ކުރިޔަށް އޮތް ފަސް އަހަރަށް ވެމްކޯގެ ބިޒްނަސް ޕްލޭން ހަދާދޭނެ ބަޔަކު ހޯދަނީ
6 އޯގަސްޓު 2022 | ހޮނިހިރު 16:44ޕްރޮޕޯސަލް ހުށަހަޅަން ޖެހެނީ މި މަހުގެ 11 އިގެ ކުރިން
ވެމްކޯއިން ކުނި އުކާލުން
ކުރިޔަށް އޮތް ފަސް އަހަރަށް ވެމްކޯގެ ބިޒްނަސް ޕްލޭން ހަދައިދޭނެ ބަޔަކު ހޯދަން އިއުލާންކޮށްފިއެވެ.
އެކުންފުނިން މިދިޔަ ބުރާސްފަތި ދުވަހު ކުރި އިއުލާނެއްގައި ބުނީ 2023-2027 އާއި ހަމަޔަށް ބިޒްނަސް ޕްލޭން ހަދައިދޭން ޝައުގުވެރިވާ ފަރާތްތަކަށް ޕްރޮޕޯސަލް ހުށަހެޅުމުގެ ފުރުސަތު ހުޅުވާލާފައިވާކަމަށެވެ.
ވެމްކޯގެ ބިޒްނަސް ޕްލޭނެއް ހެދުމުގެ މަގުސަދަކީ އެ ކުންފުނީގެ ހިންގުން ހަރުދަނާކޮށް، ކުނި މެނޭޖުކުރުމުގެ ހިދުމަތް އެންމެ ފުރިހަމަ ގޮތުގައި ދިނުމެވެ.
އެކަމަށް ޝައުގުވެރިވާ މީހުން އަންނަ ހޯމަ ދުވަހުގެ ކުރިން ބީލަމުގައި ރަޖިސްޓަރީވާން ޖެހެ އެވެ. ޕްރޮޕޯސަލް ހުށަހަޅަން ޖެހެނީ މި މަހުގެ 11 އިގެ ކުރިންނެވެ.
ވެމްކޯ އުފެދިފައިވަނީ 2016 ވަނަ އަހަރުއެވެ. 2016 ވަނަ އަހަރުން ފެށިގެން މާލެ، ހުޅުމާލެ އަދި ވިލިމާލެ ކުނި މެނޭޖުކުރުމުގެ ހިދުމަތް ދެމުން އަންނަ ސަރުކާރުގެ ކުންފުންޏަކީ ވެމްކޯއެވެ. އެ ކުންފުނިން މިހާރު އަންނަނީ އައްޑޫސިޓީ އާއި ފުވައްމުލަކު ސިޓީގައި ވެސް ކުނި މެނޭޖުކުރުމުގެ ހިދުމަތް ދެމުންނެވެ.
