އެމް.އެން.ޕީގެ ސްޕޯކްސްޕާސަންއަކަށް ޝިދާތާ
5 އޯގަސްޓު 2022 | ހުކުރު 02:06ބުރާސްފަތި ދުވަހުގެ ހަވީރު އެމްއެންޕީގެ ސްޕޯކްސްޕާސަން ތަޢާރަފްކުރުމުގެ ހަރަކާތެއް ޕާޓީގެ ފަރާތުން ވަނީ ބާއްވާފައި
ޝިދާތާ ޝަރީފު
މޯލްޑިވްސް ނޭޝަނަލް ޕާޓީ (އެމްއެންޕީ)ގެ އައު ސްޕޯކްސްޕާސަން ކަމަށް ޝިދާތާ ޝަރީފު އައްޔަންކޮށްފިއެވެ.
ބުރާސްފަތި ދުވަހުގެ ހަވީރު އެމްއެންޕީގެ ސްޕޯކްސްޕާސަން ތަޢާރަފްކުރުމުގެ ހަރަކާތެއް ޕާޓީގެ ފަރާތުން ވަނީ ބާއްވާފައެވެ. މިހަރަކާތުގައި ވާހަކަފުޅުދައްކަވަމުން ޕާޓީގެ ރައީސް ކާނަލް (ރޓޑ) މުޙައްމަދު ނާޒިމް ވިދާޅުވީ އެމްއެންޕީ އުފެދުނީ ޤައުމީ ފިކުރުގެ ގޮތުގައި ކަމަށެވެ. އަދި ފާއިތުވި ކުރު މުއްދަތުގެ ތެރޭގައި ރާއްޖޭގެ އެއްވެސް ސިޔާސީ ޕާޓީއަކަށް ގިރާ ކުރެވިފައިނުވާ، ވަރަށް ކާމިޔާބު ހަރުފަތްތަކެއް އެމްއެންޕީން ގިރާކޮށްފިކަމަށެވެ. އަދި ކުރިޔަށް އޮތް ތަނުގައި ޕާޓީން ކުރަންހުރި ބޮޑެތި މަސައްކަތްތަކުގައި ޕާޓީގެ އައު ސްޕޯކްސްޕަރސަން ޝިދާތާގެ ހިއްސާ ބޮޑު ކަމަށެވެ.
މިހަރަކާތުގައި ޝިދާތާ ވިދާޅުވީ ރާއްޖޭގެ ސިޔާސީ ގޮތުން ނެގި ބޮޑެތި ބިޔަ ރާޅުތަކުގެ ތެރޭގައި މިތިބީ ފަތާފައި ކަމަށާއި، ބިރުވެރިކަމާއި ނާމާންކަމުގެ ތެރޭގައިވެސް ޤާނޫނު ނަގަހައްޓާ، ރައްޔިތުންގެ ޙައްޤުގައި އަޑު އުފުލި ކަމަށެވެ. އަދި މިއަދު ކުރިޔަށް ފިޔަވަޅު އަޅަމުން މިދަނީ އެތަޖުރިބާތަކުގެ އަލީގައި ކަމަށް ޝިދާތާ ވިދާޅުވިއެވެ.
އެމްއެންޕީއާ ގުޅުމުގެ ކުރިން ޝިދާތާ ހުންނެވީ އަދާލަތު ޕާޓީގައެވެ. އަދާލަތު ޕާޓީގެ ސްލޮޓެއްގައި މިސަރުކާރުގައި ޖެންޑަރު މިނިސްޓަރުކަންވެސް އޭނާ ކުރައްވާފައިވެއެވެ.
