ބީއެމްއެލް ސްމޯލް ގްރާންޓަށް އެދި ހުށަހެޅުމަށް އިތުރު ފުރުސަތެއް
ކޮންމެ ޕްރޮޖެކްޓަކަށް 250،000 ރުފިޔާ ދޭނެ
ބީއެމްއެލް ސްމޯލް ގްރާންޓް ތައާރަފުކޮށްފައިވަނީ ބޭންކް އޮފް މޯލްޑިވްސްގެ 40 ވަނަ އަހަރީ ދުވަހާ ގުޅުވައިގެން
ބޭންކް އޮފް މޯލްޑިވްސްގެ 40 ވަނަ އަހަރީ ދުވަހާ ގުޅުވައިގެން ޖަމްއިއްޔާތަކަށް އެހީތެރިކަން ފޯރުކޮށްދިނުމަށް ތައާރަފްކުރެވުނު 'ސްމޯލް ގްރާންޓް' ފަންޑަށް އެދި ހުށަހެޅުމުގެ އިތުރު ފުރުސަތެއް ބޭންކުން ހުޅުވާލައިފިއެވެ.
ބީއެމްއެލްއިން ބުނީ 'ސްމޯލް ގްރާންޓް' ފަންޑުގެ ދަށުން އެހީދިނުމަށް ހަމަޖެހިފައިވަނީ ތިމާވެއްޓާގުޅޭ އެކި މައްސަލަތަކަށް ހައްލު ހޯދައިދިނުމަށާއި، ދެމެހެއްޓެނިވި ތަރައްގީއާއި ތިމާވެށީގެ ކަންކަމާގުޅޭ ޕްރޮޖެކްޓްތަކަށްކަމަށެވެ.
އެ ފަންޑަށް ހުށަހަޅާ ޕްރޮޖެކްޓްތަކުގެ ތެރެއިން 8 ޕްރޮޖެކްޓެއް ހޮވައި ކޮންމެ ޕްރޮޖެކްޓަކަށް 250،000 ރުފިޔާ ދިނުމަށް ވަނީ ހަމަޖެހިފައެވެ.
15 ސެޕްޓެމްބަރ 2022ގެ ކުރިން އީމެއިލް މެދުވެރިކޮށް މި ފަންޑަށް އެދި ހުށަހެޅުމުގެ ފުރުސަތު ހުޅުވާލާފައިވާއިރު، ސްމޯލް ގްރާންޓަށް އެދި ހުށަހެޅޭނީ މިދިޔަ އަހަރުގެ ޑިސެމްބަރު މަހުގެ 31ގެ ކުރިން ރަޖިސްޓަރީވެފައިވާ ޖަމްއިއްޔާތަކަށް ކަމަށްވެސް ބޭންކުން ބުނެއެވެ.
