"ޕްރެކްޓިސް ޕާލިމެންޓް ފޯ ވިމެން"ގެ އިތުރު ޕްރޮގްރާމެއް ބޭއްވުމަށް ނިންމައި ބައިވެރިވުމުގެ ފުރުސަތު ހުުޅުވާލައިފިއެވެ.

މިއީ ޒުވާނުން އަދި އަންހެނުން ސިޔާސީ ހަރަކާތްތަކުގައި ބައިވެރިވުމަށް ހިތްވަރުދީ، އެހީތެރިވެ އަދި ކުރިމަގުގައި ސިޔާސީ މަގާމަށް ކުރިމަތިކުމަށް ބާރު އެޅުމުގެ ގޮތުން، ރައްޔިތުންގެ މަޖިލީހާއި ޔޫއެންޑީޕީ މޯލްޑިވްސް ގުޅިގެން އޮސްޓްރޭލިއާގެ ޑިޕާޓްމެންޓް އޮފް ފޮރިން އެފެއާޒް އެންޑް ޓްރޭޑްގެ އެހީތެރިކަމާއެކު ކުރިއަށްގެންދާ ޕްރޮގްރާމެކެވެ.

މިޕްރޮގްރާމް ކުރިޔަށްގެންދަން ހަމަޖެހިފައިވަނީ ސެޕްޓެމްބަރު މަހުގެ 4ން 10ށް މާލޭގައެވެ. މިޕްރޮގްރާމްގައި ބައިވެރިވުމަށް ރަޖިސްޓްރީކުރުމަށް ހުޅުވާލާފައިވަނީ އޮގަސްޓްމަހުގެ 13 ވަނަ ދުވަހުގެ ރޭގަނޑު 11:30ގެ ނިޔަލަށެވެ. ޕްރޮގްރާމުގައި ބައިވެރިވުމަށް 9397651 މި ނަންބަރަށް ނަން، އުމުރު، އައި ޑީ. ނަންބަރު އަދި ދިރިއުޅޭ ރަށް ފޮނުވުމަށް މަޖިލީހުގެ އިދާރާއިން އެދެއެވެ. ބައިވެރިވުމުގެ ފުރުސަތު ހުޅުވާލާފައިވަނީ 25 އަހަރުން މަތީގެ އަންހެނުންނަށެވެ.

ރައްޔިތުންގެ މަޖިލީހުގެ އިދާރާއިން މީގެކުރިންވެސް ވަނީ މިފަދަ ޕްރޮގްރާމްތަކެއް ހިންގާފައެވެ.

ޕްރެކްޓިސް ޕާލިމެންޓު ހަރަކާތަކީ މަޖިލީހުގެ މަސައްކަތްތައް ކުރިޔަށްދާ ގޮތް ރަނގަޅަށް ދަނެގަނެ، ގިނަ ޒުވާނުންނާއި އަންހެނުން މަޖިލީހަށް ކުރިމަތިލާން ހިތްވަރުދިނުމަށް ކުރިޔަށް ގެންދާ ޕްރޮގްރާމެއް ކަމަށް ރައްޔިތުންގެ މަޖިލިސް އިދާރާއިން ބުނެއެވެ. އަދި، މަޖިލީހުގެ ސިޔާސަތުތަކުގައި ހުރި އުނިކަންކަން ދަނެގަނެ އެކަންކަން ބަދަލުކުރުމަށް މަސައްކަތްކުރާ ހަރަކާތެެއް ކަމަށް ވެސް އެއިދާރާއިން ބުނެއެވެ.

ޕްރޮގްރާމް ކުރިއަށްގެންދަނީ 2 ބަޔަކަށެވެ. އެއީ ސިޔާސަތުތަކާއި މަޖިލީހުގެ މަސައްކަތް ކުރިއަށްދާ ގޮތުގައި މައުލޫމާތު ދިނުމާއި ރައްޔިތުންގެ މަޖިލީހުގެ ނަމޫނާ މާދިރީ އެކެވެ.