ދެގޮތެއް ނުވެ ވަޅި ހެދުމުގެ މަސައްކަތުގައި 60 އެތައް އަހަރެއް
1 އޯގަސްޓު 2022 | ހޯމަ 05:54އޭނާގެ ޒުވާން ދުވަސްވަރު، ދުވާލެއްގެ މައްޗަށް 20-30 ވަޅި ހަދާ
ޔާސީން އުފައްދާ ވަޅީގެ އަގު އުޅެނީ ގާތްގަނޑަކަށް 4 ޑޮލަރާއި 25 ޑޮލަރާ ދެމެދު އަގުތަކެއްގައި
މިއީ ކުރިއަރާފައިވާ ޓެކްނޮލޮޖީއާއި މެޝިނަރީގެ ޒަމާނޭ ދެންނެވުމުން އެކަމާ ދެބަސް ވާނެ މީހަކު ނުހުންނާނެއެވެ. ދިރިއުޅުމުގެ ކޮންމެ ކަމެއްވެސް އެހާމެ ފަސޭހައިން ކޮށްލެވެން ހުރި އިރު، މަސައްކަތުގެ މައިދާނުގައިވެސް ޓެކްނޮލޮޖީގެ ސަބަބުން ލިބޭ ލުއިތައް އިންތިހާއެވެ.
ހައްޓަށް ލުއިކަން ލިބިދޭނެ ކިތަންމެ މަގެއް ވަޒީފާގެ މައިދާނުގައި އޮތް ނަމަވެސް، ބައެއް ކަހަލަ މަސައްކަތްތަކަކީ، އެންމެ އިހު ޒަމާނުއްސުރެ އެކަން ކޮށް އުޅުނު ގޮތަށް ކޮށްގެން މެނުވީ އެންމެ ފުރިހަމަ ނަތީޖާ ނުނެރިވިދާނެ މަސައްކަތްތަކެކެވެ. ސޫރިޔާގެ ވެރިރަށް ދިޝިމިކުގައި ވަޅި ހެދުމުގެ މަސައްކަތުގައި ހަރަކާތްތެރި ވަމުން އަންނަ، އުމުރުން 76ގެ މި ކަނބުރަކީވެސް ހަމަ އެފަދަ މަސައްކަތެއް ކުރާ މީހެކެވެ. ޓެކްނޮލޮޖީއާއި މެޝިނަރީގެ ތަނަވަސްކަން އޮތް އަދުގެ ދުނިޔޭގައި އޭނާ އިހުތިޔާރު ކުރަނީ ދަގަނޑުވިރުވައިގެން އަމިއްލަ އަތުން ވަޅި އުފެއްދުމަށެވެ.
ދިމިޝްކުގެ ކުޑަ ފިހާރަގަނޑެއްގައި ވަޅި ހަދަން އިށީނދެލައިގެން އިން މަޙްމޫދު ޔާސީން، އެ މަސައްކަތް ކުރާތާ މިހާރު 60 އަށް ވުރެ ގިނަ އަހަރުވެއްޖެއެވެ. ވަޅި ހެދުމަށް އޭނާގެ ހިތުގައި ހާއްސަ ލޯތްބެއް ޖެހުނީ ކުޑައިރުއެވެ. މިއަދުވެސް އޭނާގެ މަސައްކަތު ވައްޓަފާޅި ބައްޓަންވެފައި އޮތީ އެ ދުވަސްވަރުގެ މަސައްކަތުގެ ވެއްޓަށޭވެސް ދެންނެވިދާނެއެވެ.
ޔާސީން ވަޅި ހަދަނީ ބޯޓުދެލިން ހޫނު ކުރާ އަވަން ބޭނުން ކޮށްގެންނެވެ. ދުނިޔޭގެ އެކި ކަންކޮޅުތަކުގައި މަސްކަނޑާ މީހުންނާއި ކައްކާއިންގެ އިތުރުން ގޭތެރެގެ އެކި ކަންކަމަށް ބޭނުން ކުރާ ވަޅި އުފެދެއްދުމަށް އެ އަވަނުގައި ދަގަނޑު ހޫނުކޮށް، ސިފަ ގެނައުމަށް އޭގައި ގޮތްގޮތަށް ތަޅައެވެ.
އޭނާގެ ޒުވާން ދުވަސްވަރު، ދުވާލެއްގެ މައްޗަށް 20-30 ވަޅި ހަދައެވެ. ނަމަވެސް އުމުރުން ދުވަސްވަމުން ދިޔަ ވަރަކަށް ހަށިގަނޑުގެ ބާރު ދެރަވެ، މަސައްކަތުގެ އުފެއްދުންތެރިކަމަށްވެސް އަސަރު ފޯރަން ފެށިއެވެ. މިއަދު ޔާސީންގެ ދަރިފުޅުގެ އެހީތެރިކަމާއެކު އޭނާއަށް ދުވާލެއްގެ މައްޗަށް ތައްޔާރުކޮށްލެވެނީ 2 ނުވަތަ 3 ވަޅިއެވެ.
އުމުރުން އެންމެ 12 އަހަރުން ފެށިގެން ވަޅި ހެދުމުގެ މަސައްކަތާއި ވިޔަފާރި ކުރަމުން އަންނަ ޔާސީންގެ ފިރިހެން ދަރިފުޅު، ބައްޕައާއެކު އެ މަސައްކަތުގައި ބައިވެރިވާން ޝައުޤުވެރިކަން ފާޅުކުރުން ވީ، ޔާސީންއަށް ލުބުނު އިންތިހާ، ބޮޑު އުފަލަކަށެވެ. އެ ޖާޒުބާތުތައް، ޔާސީން ފެންކަޅި ކުރުވައެވެ.
ޔާސީން އުފައްދާ ވަޅީގެ އަގު އުޅެނީ ގާތްގަނޑަކަށް 4 ޑޮލަރާއި 25 ޑޮލަރާ ދެމެދު އަގުތަކެއްގައެވެ.
