ރެއާލް މެޑްރިޑްގެ ޒުވާން ޓީމުގެ މިޑްފީލްޑަރު ޕީޓާ ފެޑެރިކޯގެ ކޮންޓްރެކްޓް އައުކޮށްފިއެވެ.
އުމުރުން 20 އަހަރުގެ މިޑްފީލްޑަރާއެކު ރެއާލްއިން ހަދާފައިވާ އެއްބަސްވުން އައުކުރީ 2024 ގެ ނިޔަލަށެވެ. ރެއާލްގެ ޔޫތު އެކަޑަމީން އުފެދުނު ޕީޓާގެ ރިލީޒް ކްލޯސް އަކީ 50 މިލިއަން ޔޫރޯއެވެ. އައު އެއްބަސްވުމާއެކު އޭނާގެ މުސާރަވެސް ވަނީ ބޮޑުކޮށްފައެވެ.
ޒުވާން ކުޅުންތެރިޔާގެ އެއްބަސްވުން އައުކުރިއިރު، އޭނާ ހޯދުމަށް ގިނަ ކްލަބުތަކަކުން މަސައްކަތް ކުރިއެވެ. އޭގެ ތެރޭގައި ގެޓާފޭ، ސެލްޓަ ވީގޯ، އޮސަސޫނާ އަދި އެސްޕާންޔޯލް ހިމެނެއެވެ.
ޕީޓާ ވަނީ ރެއާލްގެ ޒުވާން ޓީމާއެކު 2020 ވަނަ އަހަރުގެ ޔޫތު ލީގު ކާމިޔާބުކޮށްފައެވެ. ރެއާލްގެ ޔޫތު އެކަޑަމީއާއި އޭނާ ގުޅުނީ 2015 ވަނަ އަހަރުއެވެ.
