ގައުމީ ލޯބީގެ ލާމަސީލު މިސާލެއް ފަދަ ލުބްނާންގެ 3 ފަހުލަވާނުން!

އެއީ ވޯލްޑް ބޭންކުން ސިފަކޮށްފައިވާ ގޮތުގައި ރެކޯޑް ކުރެވިފައިވާ އިގުތިސާދީ ކާރިސާތަކުގެ ތެރެއިން އެންމެ ގެއްލުން ދެނިވި އެއް ކާރިސާގެ މަންޒިލެވެ. ލަވަކިއުންތެރިޔާ އަމީން ބެއިތަމޫނީ، ލަވަ ކިއުންތެރިޔާ ޖޯއީ ފަޔާދް އަދި ކުރެހުންތެރިޔާ ޕޯލް މެހްރީ، ލުބްނާންގައި މަޑު ކުރަން ނިންމީ އެއީ އެމީހުންގެ އުފަން ވަޒަން ކަމުގައި ވީތީއެވެ. ގައުމު ދޫކޮށް އެހެން މަންޒިލަކަށް ދިރިއުޅުމުގެ މިސްރާބު ބަދަލު ކުރަންވީ އެތައް ސަބަބެއް ލޯ ކުރިމަތީގައި ފާޅުވަމުން ދިޔަ ކަމުގައިވީ ނަމަވެސް، އެ 3 މީހުންވެސް ލުބްނާންގައި މަޑުކުރީ އުފަން ފަސްގަނޑަށް އޮތް ލޯތްބެއްގެ ބޮޑުކަމުންނެވެ.

ބެއިތަމޫނީގެ ނެށުމުގެ ދަތުރު ފެށުނީ މީގެ 10 ވަރަކަށް އަހަރު ކުރިން އޮތް ނެށުމުގެ އިވެންޓެއްގެ ތެރެއިންނެވެ. އެންމެ ކުޑައިރުއްސުރެ ކާފަ ކުޅެމުންދިޔަ މިއުޒިކަށް އޭނާ ފައިހަމަކުރި ކުރުމުގެ ނަތީޖާއެއްގެ ގޮތުންނެވެ. އޭގެ ފަހުން، ބޯލްރޫމް ޑާންސްއަކީ، ބެއިތަމޫނީގެ ދިރިއުޅުން ކަމުގައި ވެއްޖެއެވެ.

ދުވާލު ގަޑީގައި އެއީ މެކޭނިކަލް އިންޖިނޭރެކެވެ. ރޭގަނޑު އެއީ ޓެންގޯ ޓީޗަރެކެވެ. އުމުރުން 33 އަހަރުގެ ޒުވާނާ ބުނާ ގޮތުގައި، ޓެންގޯ ނެށުމުގެ ސަބަބުން އޭނާގެ ދަރިވަރުންގެ ނަފްސާނީ ދުޅަހެޔޮކަމަށް ލިބިގެންދާ ފައިދާ ވަރަށް ސާފެވެ.

ބެއިތަމޫނީ މިހާރު ކުރަމުންދާ އުއްމީދަކީ ލުބްނާންގައި ސްކޫލެއް ހުޅުވުމެވެ. ނެށުމުގެ ތެރެއިން އިހުސާސްތައް ބޭރުކޮށްލާނެ ފުރުސަތު، މީހުންނަށް ލިބިދޭނެ ރައްކާތެރި ހިޔާވައްސެއްގެ ގޮތުގައެވެ.

ލަވަކިއުންތެރިޔާ ޖޯއީ ފަޔާދްގެ ވާހަކަވެސް ހުރީ ހަމަ އެ މޭރުމުންނެވެ.

ހިތުގައި ހިނގަމުންދާ ނުތަނަވަސްކަން ބޭރުކޮށްލުމަށް އޯޑިއަންސްއަށް އެހީވެދޭ ކަމަށް ފަޔާދް ބުނެއެވެ. ކާރިސީ ތޫފާނެއްގައި ޖެހިފައި ލުބްނާންގެ ރައްޔިތުން، މިދިޔަ 3 އަހަރެއްހާ ދުވަހު އުފުލަމުންދާ ތަކުލީފުތަކަށް ތަސައްލީއެއް ލިއްބައިދެނީ މިއުޒިކުން ކަމަށް ފަޔާދް ގަބޫލު ކުރެއެވެ.

ގައުމުގައި ކިތަންމެ ގިނަ މައްސަލަތަކެއް ހުރި ކަމުގައިވީ ނަމަވެސް، އެފަދަ ދެވަނަ "މަސްތެއް" ނެތް ކަމަށް ފަޔާދް ގަބޫލު ކުރެއެވެ. އުމުރުން 33 އަހަރުގެ އެ ފަންނުވެރިޔާގެ ހިތުގައި ލުބްނާނަށް ދެވިފައި ވަނީ ހާއްސަ މަގާމެކެވެ. ބިދޭސީ ގައުމެއްގައި ދިރިއުޅުން އަލުންބަލުން ފެށުމަށް ފަޔާދް އަދި ތައްޔާރެއް ނޫނެވެ.

ފަޔާދް ފަދައިން، ކުރެހުންތެރިޔާ މެހްރީވެސް އަދި ހުރީ މިދިޔަ 40 އަހަރު އޭނާ ހޭދަ ކުރި ގައުމު ދޫކޮށްލަން ތައްޔާރަކަށް ނޫނެވެ.

ވެރިކަމުގެ ކޯލު ތެރޭގައިން އުފެދުނު މައްސަލަގަނޑު ގައުމު ތެރެއަށް ބަންޑުންވެސް، އާންމު ރައްޔިތުންގެ ދިރިއުޅުމުގެ އެންމެ ޒަރޫރީ ބޭނުންތަކަށް ހުރަސް އެޅޭ ދަރަޖައަށް ކަންކަން ގޯސްވެފައި ވަނިކޮށް އޯގަސްޓް 2020 ގައި ލުބްނާންގެ ބަނދަރުގައި ގޮވި ބާރުގަދަ ގޮވުމާއެކު ގައުމު އިތުރަށް ނުތަނަވަސްވިއެވެ. އޭގެ މައްޗަށް ބިންދާލީ ކޮރޯނާވައިރަސް ޑިޒީޒް (ކޮވިޑް-19)ގެ ބިޔަ ރާޅެވެ.