މާލޭގައި ފެންބޮޑުވެއްޖެ
17 ޖުލައި 2022 | އާދީއްތަ 17:27މާލޭގެ އެކި ސަރަަހައްދުގައި ވަނީ ފެންބޮޑުވެފައި
ފެން ހިންދުމުގެ މަސައްކަތް އެމްއެންޑީއެފުން ކުރަނީ
މާލޭގައި ފެންބޮޑުވެ، ފެން ހިންދުމުގެ މަސައްކަތް، މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް)އިން ފަށައިފިއެވެ.
އެމްއެންޑީއެފުން ބުނީ މާލެ ސިޓީއަށް މިހާރު ކުރަމުންދާ ވިއްސާރާގައި މާލޭގެ ބައެއް ސަރަހައްދުތަކުގައި ފެންބޮޑުވެފައިވާތީ ފެން ހިންދުމުގެ މަސައްކަތް، ފަޔަރ އެންޑް ރެސްކިއު ސަރވިސް (އެފްއާރުއެސް)ގެ ސިފައިން ފަށާފައިވާ ކަމަށެވެ. އެގޮތުން، އާދީއްތަ ދުވަހުގެ ހަވީރު 17:30ން ފެށިގެން ބޮޑުތަކުރުފާނުމަގު، ދުވާ ޓްރެކް ސަރަހައްދުގައި ބޮޑުވެފައިވާތީ ފެންގަނޑު ހިންދުމަށް ޕަންޕު ބަހައްޓައިގެން އެފްއާރުއެސްގެ ސިފައިން މަސައްކަތް ކުރަމުންދާ ކަމަށެވެ.
މީގެ އިތުރުން އައިޖީއެމްއެޗް ސަރަހައްދުގައި ބޮޑުވެފައިވާ ފެންގަނޑު ހިންދުމުގެ މަސައްކަތްވެސް އެފްއާރުއެސްގެ ސިފައިން ކުރަމުންދާ ކަމަށް އެމްއެންޑީއެފުން ބުނެއެވެ.
މާލޭގައި ފެން ބޮޑުވެފައިވާއިރު، ކުރިއަށް އޮތް 4 ދުވަހުވެސް ރާއްޖެއަށް ވިއްސާރަކުރާނެ ކަމަށް މޫސުމާ ބެހޭ ގައުމީ އިދާރާއިން ވަނީ ލަފާކޮށްފައެވެ. އަދި ވިއްސާރަ އަލިވާނީ އަންނަ ހުކުރު ދުވަހު ކަމަށް އެ އިދާރާއިން ލަފާކުރެއެވެ.
