ލަވެންޑާ ޔުނައިޓެޑް ތިންވަނައަށް ޖެހިލައިފި

ނ.ހެނބަދޫގައި މިހާރު ކުރިއަށްގެންދާ ޖޯޝް ޗެމްޕިއަންޝިޕް 2022 ގައި ކުޅުނު ދެވަނަ މެޗު ކާމިޔާބުކޮށް ލަވެންޑާ ޔުނައިޓެޑް ތާވަލުގެ ތިންވަނައަށް ޖެހިލައިފިއެވެ.

މި މެޗުގައި ލަވެންޑާ ބައްދަލުކުރީ އެފްސީ ހާގަނޑާއެވެ. މެޗު ކާމިޔާބުކުރީ 3-0 ންނެވެ. މެޗުގެ ފުރަތަމަ ހާފުގައި އެއްވެސް ލަނޑެއް ނުފެނުނުއިރު ލަވެންޑާގެ ތިން ލަނޑުވެސް އެޓީމުން ޖެހީ ދެވަނަ ހާފުގައެވެ. ލަވެންޑާއަށް ދެވަނަ ހާފުގައި ލީޑު ނަގައިދިނީ އަހުމަދު އަބްދުލް ރަޙީމެވެ. އަދި މެޗުގެ މޮޅު ކުޅުންތެރިޔާ އަލީ ފާއިޒް އެޓީމަށް ލީޑު ފުޅާކޮށްދިންއިރު، އެޓީމުގެ ފަހު ލަނޑު ޖެހީ ލިޝާން މުހައްމަދެވެ.

މި ނަތީޖާއާއެކު ލަވެންޑާ ތިންވަނައަށް ޖެހިލީ ކުޅުނު ދެމެޗުން އެއް މެޗު ކާމިޔާބުކޮށްގެން ލިބުނު ތިން ޕޮއިންޓާއެކުއެވެ. ކުޅުނު ދެމެޗުންވެސް ބަލިވެ ހާގަނޑު އޮތީ ތާވަލުގެ ފުލުގައެވެ.

މުބާރާތުގައި މިއަދު ބައްދަލުކުރާނީ ޔަންގް ޝޫޓާސްއާއި ގްރޭވްސް އެފްސީއެވެ.