ޔަންގް ޝޫޓަރސްއާއި ގްރޭވްސް އެއްވަރުވެއްޖެ
17 ޖުލައި 2022 | އާދީއްތަ 17:00މެޗު އެއްވަރުވީ 1-1ން
ޔަންގް ޝޫޓަރސްއާއި ގްރޭވްސް އެފްސީ ބައްދަލުކުރި މެޗުގެ ތެރެއިން | އަންނޭސް ގްރަފީ
ނ. ހެނބަދޫ ޖޯޝް ޖަމިއްޔާއިން ކުރިއަށް ގެންދާ ޖޯޝް ޗެމްޕިއަންޝިޕްގައި ޔަންގް ޝޫޓަރސްއާއި ގްރޭވްސް އެފްސީ ބައްދަލުކުރި މެޗު އެއްވަރުވެއްޖެއެވެ.
މިއަދު ހަވީރު ކުޅުނު މި މެޗު އެއްވަރުވީ 1-1ންނެވެ. މެޗުގެ ފުރަތަމަ ހާފުގައި އެއްވެސް ޓީމަކަށް ލަނޑެއް ނުޖެހެއެވެ. ދެވަނަ ހާފުގައި ޔަންގް ޝޫޓަރސްއަށް ލީޑު ނަގައިދިނީ އަހުމަދު ޝުއޫންއެވެ. ގްރޭވްސްގެ ލަނޑަކީ މެޗު ނިމެނިކޮށް އެޓީމުގެ ޖުމައިލް ނަގައިދިން ހުރަހެއް، ޔަންގް ޝޫޓަރސް ކުޅުންތެރިއެއްގެ ފައިގައި ޖެހިފައި ބައިކޮޅަށް ވަތް ލަނޑެކެވެ.
މެޗުގެ މޮޅު ކުޅުންތެރިއަކީ ގްރޭވްސްގެ ޖުމައިލް އީސާއެވެ.
މި ނަތީޖާއާއެކު ޔަންގް ޝޫޓަރސް ތާވަލުގެ ދެވަނާގައި އޮތީ ކުޅުނު އެއް މެޗުން މޮޅުވެ އަނެއް މެޗުން އެއްވަރުވުމުން ލިބުނު ހަތަރު ޕޮއިންޓާއެކުއެވެ. ގްރޭވްސް ހަތަރު ވަނާގައި އޮތީ މިއަދުގެ މެޗުން ލިބުނު ޕޮއިންޓާއެކުއެވެ.
ފަސް ޓީމު ވާދަކުރާ މި މުބާރާތުގައި ފައިނަލުގެ ފުރަތަމަ ޖާގަ ލިބޭނީ ލީގު ބުރު ނިމޭއިރު އެންމެ ރަނގަޅު ނަތީޖާ ހޯދާ ޓީމަކަށެވެ. ފައިނަލުގެ ދެވަނަ ޖާގަ ކަށަވަރުވާނީ ލީގު ބުރުގެ ދެވަނަ އަދި ތިންވަނަ ޓީމު ވާދަކޮށް ކުރިލިބޭ ޓީމަކަށެވެ.
