މަހިބަދޫ ވެޓަރެންސްކަޕްގެ ޗެމްޕިއަންކަން ދަ ޖޯލި ދިފާއުކޮށްފި
މިއީ ދަ ޖޯލި ޗެމްޕިއަންކަން ހޯދި ތިންވަނަ ފަހަރު
މަހިބަދޫ ވެޓަރެންސްކަޕްގެ ޗެމްޕިއަން ދަ ޖޯލި: ފޮޓޯ-އަލީ ވިޝާލް
މަހިބަދޫ ވެޓަރެންސްކަޕްގެ ޗެމްޕިއަންކަން ދަ ޖޯލި ދިފާއުކޮށްފިއެވެ.
ދަ ޖޯލް ޗެމްޕިއަންކަން ދިފާއުކުރީ ފައިނަލްގައި 1-0 ން ސްޕޯޓިންގ އަޒިއޯން ބަލިކޮށްގެންނެވެ. ފައިނަލް މެޗުގެ ހަމައެކަނި ލަނޑު ޖެހީ އަހުމަދު އަފީފްއެވެ. ފައިނަލް މެޗުގެ މޮޅު ކުޅުންތެރިއަކީ މުޙައްމަދު އިރުޝާދެވެ. މިއީ މުބާރާތް ދަ ޖޯލިން ކާމިޔާބުކުރި ތިންވަނަ ފަހަރެވެ. މުބާރާތުގައި ވާދަކުރީ ހަތަރު ޓީމެވެ. ޗެމްޕިއަންކަން ދަ ޖޯޅި ހޯދީ މެޗަކުން ބަލިނުވެއެވެ. ލީގު ބުރުގައި ކުޅުނު ތިން މެޗުގެ ތެރެއިން ދެ މެޗުން މޮޅުވެ, އެއް މެޗުން އެއްވަރުކޮށް ހަތް ޕޮއިންޓް ހޯދިއެވެ.
މިއީ ބޮޑު އީދުގައި މަހިބަދޫ ކައުންސިލުން އިންތިޒާމްކޮށްގެން ބާއްވަމުން އަންނަ މުބާރާތެކެވެ. މިފަހަރު ބޭއްވީ މަހިބަދޫ ވެޓަރެންސްކަޕްގެ ހަތަރުވަނަ މުބާރާތެވެ.
