މަހިބަދޫގައި ކުރިއަށް ގެންދިޔަ ގިރާއަތު ކޯސްތައް ނިންމި ބައިވެރިންނަށް ސެޓްފިކެޓް ދީފި
43 ބައިވެރިއަކަށް ވަނީ ސެޓްފިކެޓް ދީފައި
ބައިވެރިންނަށް ސެޓްފިކެޓް ހަވާލުކުރެވުނު ރަސްމިއްޔާތުގެ ތެރެއިން
އދ. މަހިބަދޫގައި ކުރިއަށް ގެންދެވުނު ގިރާއަތު ލެވެލް އެކެއް އަދި ދޭއް ނިންމާފައިވާ ބައިވެރީންނަށް ސެޓްފިކެޓް ހަވާލުކޮށްފިއެވެ.
މިއީ ކީރިތި ގުރުއާނާއި ބެހޭ ގައުމީ މަރުކަޒުގެ އދ.މަހިބަދޫގެ ގޮފީގައި ކުރިއަށް ގެންދެވުނު ކޯސްތަކެކެވެ. މި ކޯސްތައް ނިންމި ބައިވެރިންނަށް ސެޓްފިކެޓް ހަވާލުކޮށްފައިވަނީ އެކަމަށް ޚާއްސަކުރެވިގެން މަހިބަދޫގައި ބޭއްވުނު ރަސްމިއްޔާތެއްގައިއެވެ. މިރަސްމިއްޔާތު ޝަރަފްވެރި ކޮށްދެއްވީ ކީރިތި ގުރުއާނާއިބެހޭ ގައުމީ މަރުކަޒު ހިންގުމާ ހަވާލުވެ ހުންނެވި މިނިސްޓަރ އޮފް ސްޓޭޓް ފޯރ އިސްލާމިކް އެފެއާރޒް އައްޝައިޚް އިލްޔާސް ޖަމާލެވެ.
މި ރަސްމިއްޔާތުގައި 43 ބައިވެރިއަކަށް ވަނީ ސެޓްފިކެޓް ހަވާލުކޮށްފައެވެ. މި ބައިވެރިންނަކީ ހުސްވި 2021 ވަނަ އަހަރު ހިންގުނު ގިރާއަތު ކޯސްތަކުގެ ތެރެއިން ލެވެލް އެކެއްގެ ހަތަރު ވަނަ ބެޗް އަދި ލެވެލް ދޭއްގެ ދެވަނަ ބެޗުގައި ބައިވެރިވެފައިވާ ބައިވެރީންނެވެ.
ކީރިތި ގުރުއާނާއި ބޭހޭ މަރުކަޒުގެ އދ. މަހިބަދޫގެ ގޮފީގައި މިހާރުވެސް އެތައް ކޯސްތަކެއް ކުރިއަށްގެންދެއެވެ.
