ގެއްލިގެން ހޯދަމުން ދިޔަ 17 އަހަރުގެ ކުއްޖާ ފެނިއްޖެ، މައްސަލަ ތަހުގީގުކުރަނީ
ގެއްލިގެން ހޯދަމުން އަންނަނީ މި މަހުގެ 10 ވަނަ ދުވަހުން ފެށިގެން
ޙުސައިން މަޚްތޫމް | 12 ޖުލައި 2022 | އަންގާރަ 12:50
ދެ ފުލުހަކު މަގުމަތީގައި ހަރަކާތްތެރިވަނީ
ގެއްލިގެން ހޯދަމުން ދިޔަ 17 އަހަރުގެ ކުއްޖާ ފެނިފައިވާކަމަށް ފުލުހުން ބުނެފިއެވެ.
ފުލުހުން ބުނީ، މާލެއިން 17 އަހަރުގެ އަންހެން ކުއްޖަކު ގެއްލިފައިވާ ކަމުގެ މައުލޫމާތު ޖުލައި މަހުގެ 10 ވަނަ ދުވަހު އެ ކުއްޖާގެ އާއިލާއިން ދީފައިވާ ކަމަށެވެ. އެކަން އާއިލާގެ ފަރާތުން ފުލުހުންނަށް ރިޕޯޓު ކުރުމުން އެކުއްޖާ ހޯދުމުގެ މަސައްކަތް ފެށިކަމަށެވެ.
ފުލުހުން ބުނެފައިވަނީ ކުއްޖާ ފެނިފައިވާ ކަމަށާއި، އެ ކުއްޖާގެ ހާލު ރަނގަޅު ކަމަށެވެ.
ފުލުހުން ބުނީ، އެކަމާގުޅިގެން އިތުރަށް ބަލަންޖެހޭ ކަންކަން ބަލަމުންދާކަމަށެވެ.
