ތިނަދޫގައި ދިރިއުޅޭ ބިދޭސީންތަކެއްގެ މެދުގައި މާރާމާރީއެއް ހިންގައިފި
މާރަމާރީގައި އަނިޔާވި އެކަކަށް މިހާރު އަންނަނީ ހޮސްޕިޓަލުގައި ފަރުވާދެމުން
މުހައްމަދު ޔާސިރު މޫސާ | 11 ޖުލައި 2022 | ހޯމަ 01:05
ގދ.ތިނަދޫ
ހުވަދުއަތޮޅު ތިނަދޫގައި މާރަމާރީއެއް ހިންގައިފިއެވެ.
މާރަމާރީ ހިންގާފައިވަނީ އެރަށުގައި ދިރިއުޅޭ ދެބިދޭސީއެއްގެ މެދުގައެވެ. މާރަމާރީގައި އަނިޔާވި އެކަކަށް މިހާރު އަންނަނީ އެރަށުގެ ޑރ. އަބްދުއްސަމަދު މެމޯރިއަލް ހޮސްޕިޓަލުގައި ފަރުވާ ދެމުންނެވެ.
މިކަމާއި ގުޅިގެން ފުލުހުން ބުނީ ތިނަދޫގައި ދެބިދޭސީންގެ މެދުގައި މާރަމާރީއެއް ހިންގާފައިވާ ކަމަށް ރޭގެ ވަގުތެއްގައި ފުލުހުންނަށް ރިޕޯޓުކޮށްފައިވާ ކަމަށެވެ. މި މައްސަލަ މިހާރު ފުލުހުން އަންނަނީ ތަހުގީގު ކުރަމުންނެވެ.
