ބުރާސްފަތި ދުވަހު 3300 ޑޮމެސްޓިކް ފަސިންޖަރުން، ރެކޯޑެއް!
7 ޖުލައި 2022 | ބުރާސްފަތި 16:55މިއަދު 3300ށްވުރެ ގިނަ ފަސިންޖަރުން ޑޮމެސްޓިކް ދަތުރުތައް ކުރިކަމަށް ވަނީ ރެކޯޑްކޮށްފައި
ވެލާނާ އިންޓަރނޭޝަނަލް އެއަރޕޯޓް
ބުރާސްފަތި ދުވަހު ރެކޯޑު އަދަދަކަށް ޑޮމެސްޓިކް ފަސިންޖަރުން ވެލާނާ އިންޓަރނޭޝަނަލް އެއަރޕޯޓަށް އައިސްފައިވާކަމަށް މޯލްޑިވްސް އެއަރޕޯޓްސް ކޮމްޕެނީ (އެމްއޭސީއެލް)އިން ބުނެފިއެވެ.
އެ ކުންފުނިން ބުނިގޮތުގައި ބުރާސްފަތި ދުވަހު 3300ށްވުރެ ގިނަ ފަސިންޖަރުން ވަނީ ޑޮމެސްޓިކް އެއަރޕޯޓް ބޭނުން ކޮށްފައެވެ. މިއީ މިއަހަރުގެ ތެރޭގައި އެންމެ ގިނައިން ޑޮމެސްޓިކް ފަސިންޖަރުން އެއަރޕޯޓް ބޭނުންކުރި ދުވަހެވެ.
އެމްއޭސީއެލްގެ ރެކޯޑުތައް ދައްކާ ގޮތުގައި ޑޮމެސްޓިކް ދަތުރުތަކުގެ 125 މޫވްމަންޓް ވަނީ ރެކޯޑުކޮށްފައެވެ.
ބުރާސްފަތި ދުވަހު ޑޮމެސްޓިކް ޓަރމިނަލް ބޭނުންކުރި ފަސިންޖަރުންގެ ތެރެއިން 3084 ފަސިންޖަރުން ދަތުރުކޮށްފައިވަނީ ގައުމީ އެއަރލައިން މޯލްޑިވިއަންގައެވެ.
އެތެރޭގެ ދަތުރުތައް އިތުރުވެފައިވަނީ ކުރިއަށް އޮތް އީދު ބަންދާ ދިމާކޮށެވެ. އީދު ބަންދުގައި އެކި ރަށްތަކަށް ފްލައިޓްތައް އޮތީ ފުލްކޮށެވެ. މޯލްޑިވިއަނުން ވަނީ އެކި މަންޒިލްތަކަށް ޑިމާންޑު އިތުރުވެފައިވާތީ، ތާވަލުކޮށްފައިވާ ފްލައިޓުތަކުގެ އިތުރުންވެސް ދަތުރުތަކެއް ބާއްވާފައެވެ.
