މޯލްޑިވިއަން ފްލައިންގ އެކަޑަމީ ހިންގުމުގެ ހުއްދަ ދީފި
10 ޖުލައިގައި ދަރިވަރުންގެ ފްލައިންގ ފެށޭނެ
އޭޝިއަން އެކެޑަމީ އޮފް އެއިރޮނޯޓިކްސް
މޯލްޑިވިއަން ފްލައިންގ އެކަޑަމީ ހިންގުމުގެ ހުއްދަ މޯލްޑިވްސް ސިވިލް އޭވިއޭޝަން އޮތޯރިޓީން ދީފައިވާ ކަމަށް އައިލެންޑް އޭވިއޭޝަން ސަރވިސަސް ލިމިޓެޑުން ބުނެފިއެވެ.
އައިލެންޑް އޭވިއޭޝަނުން ބުނީ އޭވިއޭޝަނުން ހަދަންޖެހޭ އިންސްޕެކްޝަންތައް ނިމިފައިވާއިރު 10 ޖުލައިގައި ދަރިވަރުންގެ ފްލައިންގ ފެށޭނެކަމަށެވެ. އެގޮތުން ޕައިލެޓް ޓްރެއިނިންގ ހަދަމުންދިޔަ ދަރިވަރުންގެ ތެރެއިން ފުރަތަމަ ބެޗްގައި ހިމެނޭ ރިފްރެޝަރ ޕްރޮގްރާމް ނިންމާފައިވާ 35 ދަރިވަރުންގެ ފްލައިންގ ފަށާނެ ކަމަށެވެ. އަދި ދެވަނަ ބެޗްގެ 39 ދަރިވަރުންގެ ރިފްރެޝަރ ޕްރޮގްރާމް ވެސް ކުރިއަށްދާކަމަށް ވަނީ ބުނެފައެވެ.
މިއަހަރު ނިމުމުގެ ކުރިން ފުރަތަމަ ބެޗާއި ދެވަނަ ބެޗްގެ ކުދިންގެ ފްލައިންގ ނިމޭނެކަމަށް އުންމީދުކުރެވޭ ކަމަށާއި، ތިންވަނަ ބެޗްގެ ކުދިންގެ ރިފްރެޝަރ ޕްރޮގްރާމް މިއަހަރު ނިމުމުގެ ކުރިން ފެށޭނެކަމަށް އައިލެންޑް އޭވިއޭޝަނުން ބުނެއެވެ.
މޯލްޑިވިއަން އޭވިއޭޝަން އެކެޑަމީއަކީ ޗެކް ރިޕަބްލިކްގެ ފްލައިންގ އެކެޑަމީއާ ގުޅިގެން ގާއިމުކުރެވޭ ސްކޫލަކަށްވާތީ، މޯލްޑިިވިއަން އޭވިއޭޝަން އެކެޑަމީ ހިންގަމުންދާނީ މޯލްޑިވްސް ސިވިލް އޭވިއޭޝަންގެ ގާވާއިދުތަކުގެ އިތުރުން ޔޫރަޕިއަން އޭވިއޭޝަން ސޭފްޓީ އެޖެންސީގެ ސްޓޭންޑަޑާއެއްގޮތަށެވެ.
މިއީ ދިވެހި ފުރަތަމަ ފްލައިންގ ސްކޫލެވެ. މި ސްކޫލް އުފެއްދީ އައްޑޫގައި ހިންގަމުން އައި ފްލައިންގ ސްކޫލްގެ ކިޔެވުން ހުއްޓި، އެކަމުގެ ޝަކުވާ ބޮޑުވުމާގުޅިގެންނެވެ.
