އޯލް އެޓޭކް ބަލިކޮށް އެންމެ ފަހުގެ ޗެމްޕިއަން ޗެލެންޖަރސް ފައިނަލަށް

ރައްޒާގުބެ މެމޯރިއަލް ކަޕްގެ ސެމީ ފައިނަލްގެ ފުރަތަމަ މެޗުގައި އޯލް އެޓޭކް ބަލިކޮށް އެންމެ ފަހުގެ ޗެމްޕިއަން ޗެލެންޖަރސް މުބާރާތުގެ ފައިނަލުން ޖާގަ ހޯދައިފިއެވެ.

މުބާރާތުގެ ސެމީ އިން ޗެލެންޖަރސް ޖާގަ ހޯދާފައިވަނީ އެއް ވަނަ ޓީމުގެ ގޮތުގައެވެ. ދެ ވަނަ ޓީމުގެ ގޮތުގައި އޯލް އެޓޭކް ޖާގަ ހޯދިއިރު، ތިން ވަނަ ޓީމުގެ ގޮތުގައި ޖާގަ ހޯދީ އެކްސިޓޯއެވެ. ފުރަތަމަ ސެމީގައި ބަލިވި އޯލް އެޓޭކް ޖެހޭނީ ދެ ވަނަ ސެމީގައި އެކްސިޓޯއާއި ވާދަކުރާށެވެ. ފައިނަލްގެ ފަހު ޖާގަ ލިބޭނީ މި ސެމީ އިން މޮޅުވާ ޓީމް އަކަށެވެ.

ފުރަތަމަ ސެމީގައި ހުކުރު ދުވަހުގެ ހަވީރު ކުޅުނު މެޗުގައި ޗެލެންޖަރސް އިން އޯލް އެޓޭކްގެ މައްޗަށް ކުރި ހޯދީ 2-0 ންނެވެ. ޗެލެންޖަރސްގެ ފުރަތަމަ ލަނޑު މެޗުގެ 14 ވަނަ މިނެޓުގައި ޖަހައިިދިނީ ނާއިމްއެވެ. ދެ ވަނަ ލަނޑު ޖަހައިދިނީ މުހައްމަދު ތަސްނީމްއެވެ. މެޗުގައި ގިނަ ވަގުތު ބޯޅަ ހިފަހައްޓާ ރަނގަޅަށް ކުޅެފައިވަނީ ވެސް ޗެލެންޖަރސް އިންނެވެ. މެޗުގެ މޮޅު ކުޅުންތެރިޔަކަށް ހޮވުނީ ޗެލެންޖަރސްގެ ތަސްނީމެވެ.

ދެ ވަނަ ސެމީގައި އޯލް އެޓޭކް އާއި އެކްސިޓޯ ވާދަކުރާ މެޗު އޮންނާނީ އާދިއްތަ ދުވަހުގެ ހަވީރުއެވެ. މުބާރާތުގެ ފައިނަލް މެޗު އޮންނާނީ ޖުލައި ހަ ވަނަ ދުވަހުއެވެ.

މި މުބާރާތަކީ އެރަށުގެ ފުޓުބޯޅަ ލެޖެންޑު އަލްމަރުހޫމް އަބްދުއް ރައްޒާގު މޫސާގެ ހަނދާނުގައި 2015 ވަނަ އަހަރުން ފެށިގެން ބާއްވަމުން އަންނަ މުބާރާތެކެވެ. އެންމެ ފުރަތަމަ މި މުބާރާތް ބާއްވާފައިވަނީ "ތުއްތޮންބެ ކަޕް"ގެ ނަމުގައެވެ. އޭގެ ފަހުން 2019 ވަނަ އަހަރު މުބާރާތުގެ ނަން ވަނީ ރައްޒާގުގެ މެމޯރިއަލް ކަޕް އަށް ބަދަލުކޮށްފައެވެ.