ނޭޕާލްގެ ކަތުމަންޑޫ ވެލީއަށް ނިސްބަތްވާ 14 މީހަކަށް ކުއްލި ގޮތަކަށް ކޮލެރާ ޖެހިގެން ބެލިބެލުމުން މައްސަލަ ވަރަށް ގޯސްވެފައިވާކަން ހާމަވެއްޖެއެވެ. މިގޮތުން އެޤައުމުގައި ބުއިމަށް ބޭނުންކުރާ ފެން އެކިތަންތަނުން ނަގައިގެން ކުރި ތަހުލީލުތަކުން ހާމަވެފައިވާގޮތުގައި ބުއިމަށް ބޭނުން ކުރާ ފެނުގެ 57 އިންސައްތަ ފެންވަނީ ތަޣައްޔަރުވެފައެވެ. އަދި އެފެނުގައި އީކޮލީ ކިޔާ ބެކްޓީރިޔާ އަދި ނަޖިހުގެ އަސަރު އެކުލެވޭކަން ވަނީ ހާމަވެފައެވެ. މިއާއެކު އެގައުމުގެ ކަމާބެހޭ އިދާރާތައް ސަމާލުކަމަށް އައިސް ފިޔަވަޅު އަޅަން ވަނީ ފަށާފައެވެ. ބެކްޓީރިއާގެ އަސަރު ފެނުނު ފެނަކީ ފުޅީގައި ބަންދު ކުރުމަށް ނަގާ ފެނަށްވެސް ވެދާނެތީ ކައްކައިގެން ނޫނީ ކްލޮރިން އަޅައިގެން ނޫންގޮތަކަށް ފެން ބޭނުން ނުރުމަށްދަނީ އަންގަމުންނެވެ.
މިދުވަސްކޮޅަކީ ނޭޕާލްއަށް ވިއްސާރަ ދުވަސްކޮޅެއް ކަމަށްވެއެވެ. ކޮލެރާއަކީ ފެނުގެ ޒަރީއާއިން ފެތުރޭ ބައްޔަކަށްވާއިރު، ވިއްސާރަ މޫސުމުގައި ބަލިފެތުރޭ މިންވަރު އިތުރުވުމުގެ ފުރުސަތުވެސް ބޮޑުވެގެން ދެއެވެ. އެހެންކަމުން މިކަމަށް ޚާއްސަ ސަމާލުކަމެއް ދިނުމަށް ދަނީ އަންގަމުންނެވެ.
ކޮލެރާ ފެތުރުން ކޮންޓްރޯލް ކުރުމަށްޓަކައި ސަރުކާރުން މިހާރުވަނީ މަގުމަތީގައި ކާބޯތަކެއްޗާއި ބުއިންތައް ވިއްކުންވެސް މަނާކޮށްފައެވެ.
ނޭޕާލްގައި ކޮލެރާ ކޭސްތައް ރިޕޯޓްކުރަން ފަށާފައިވަނީ ޖޫން 26 ވަނަ ދުވަހުން ފެށިގެންނެވެ.
