ދިޔަމިގިލީ މުއައްސަސާ ކަޕްގެ ފައިނަލަށް ސްކޫލާއި ހެލްތު ސެންޓަރު
23 ޖޫން 2022 | ބުރާސްފަތި 10:57މުބާރާތުގެ ފައިނަލް މެޗުތައް ކުޅޭނީ ބުރާސްފަތި ދުވަހު
މުހައްމަދު ޔާސިރު މޫސާ | 23 ޖޫން 2022 | ބުރާސްފަތި 10:57
ދިޔަމިގިލީ މުއައްސަސާ ކަޕްގެ ތެރެއިން، ހޭންޑް ބޯޅަ މުބާރާތް
މިހާރު ކުރިއަށްދާ ދިޔަމިގިލީ މުއައްސަސާ ކަޕްގެ ފައިނަލަށް ސްކޫލާއި ހެލްތު ސެންޓަރުގެ ޓީމު ދަތުރުކޮށްފިއެވެ.
މުއައްސަސާ ކަޕް 2022ގެ ނަމުގައި ދިޔަމިގިލީ ކައުންސިލުން ދެ މުބާރާތެއް ވަނީ ފަށާފައެވެ. އެއީ އެރަށުގެ މުއައްސަސާތަކުގައި މަސައްކަތްކުރާ ފިރިހެން މުވައްޒަފުންނަށް ފުޓްސަލް މުބާރާތަކާއި، އަންހެން މުވައްޒަފުންނަށް ހޭންޑް ބޯޅަ މުބާރާތެކެވެ. މި ދެމުބާރާތުގެ ފައިނަލުންވެސް ޖާގަ ހޯދީ ސްކޫލް ޓީމާއި ހެލްތު ސެންޓަރުގެ ޓީމެވެ.
މުބާރާތުގެ ފައިނަލް މެޗުތައް ކުޅޭނީ ބުރާސްފަތި ދުވަހުއެވެ. ހޭންޑްބޯޅަ މުބާރާތުގެ ފައިނަލް މެޗު އޮންނާނީ ހަވީރު 16:15ގައެވެ. ފުޓްސަލް މުބާރާތުގެ ފައިނަލް އޮންނާނީ ރޭގަނޑު 20:30ގައެވެ.
