ގިރިފުށި ބަނދަރު ތަރައްގީ ކުރުމުގެ މަސައްކަތް ނިންމާލައިފި
5 ޖޫން 2022 | އާދީއްތަ 16:52އެމްޓީސީސީއާ މި މަސައްކަތް ހަވާލު ކުރީ 18.3 މިލިއަން ރުފިޔާއަށް
ގިރިފުށި ބަނދަރު ސަރަހައްދު
ކ. ގިރިފުށި ބަނދަރު ތަރައްގީ ކުރުމުގެ މަސައްކަތް ނިންމާލައިފިއެވެ.
ސަރުކާރުން މި މަޝްރޫއުގެ މަސައްކަތް ހަވާލު ކުރީ މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އާއެވެ. އެ ކުންފުންޏާ މި މަސައްކަތް ހަވާލު ކުރީ 18.3 މިލިއަން ރުފިޔާއަށެެވެ.
މި މަޝްރޫއުގެ ދަށުން އެމްޓީސީސީއިން ވަނީ އެންވަޔަރަމަންޓަލް އިމްޕެކްޓް އެސެސްމަންޓް ހަދައި، ބޭރު ތޮށި ލުމާއި ނެރު ބޭރު ތޮށިލުމުގެ މަސައްކަތް ކޮށްފައެވެ.
ފާއިތުވި 3 އަހަރުގެ ތެރޭގައި އެމްޓީސީސީން ވަނީ ރާއްޖޭގެ އުމްރާނީ ތަރައްގީގެ ގިނަ މަޝްރޫއުތަކެއްގެ މަސައްކަތް ފަށާފައެވެ. މީގެ ތެރެއިން ގިނަ މަޝްރޫތަކުގެ މަސައްްކަތްތައް އެ ކުންފުނިން މިހާރުވަނީ ނިންމާލާފައެވެ.
އެމްޓީސީސީން ރާއްޖޭގައި ކުރިއަށްގެންދާ މަޝްރޫއުތަކުގެ ތެރޭގައި ބަނދަރު ތަރައްގީ ކުރުމާއި ބިން ހިއްކުމާއި ގޮނޑުދޮށް ހިމާޔަތް ކުރުމާއި މަގު ހެދުން ފަދަ ބޮޑެތި މަޝްރޫއުތައް ހިމެނެއެވެ.
