ސްލޯނީނާ ބޭނުންވަނީ ރެއާލްއަށް ދިއުމަށް
ސްލޯނީނާ މިހާރު ކުޅެމުން އަންނަނީ އެމެރިކާގެ ޗިކާގޯ ފަޔާއަށް
އެމެރިކާގެ ޒުވާން ކީޕަރު ގަބްރިއެލް ސްލޯނީނާ
ސްޕެއިންގެ ރެއާލް މެޑްރިޑަށް ކުޅެން އެމެރިކާގެ ޒުވާން ގޯލް ކީޕަރު ގަބްރިއެލް ސްލޯނީނާ ބޭނުންވާކަމަށް އޭނާގެ އެޖެންޓު ގާސިއާ ބުނެފިއެވެ.
ރެއާލްއިން ސްލޯނީނާ ހޯދުމަށް ޝައުގުވެރިކަން ފާޅުކޮށްފައިވާއިރު، ގާސިއާ ބުނީ ސްލޯނީނާ ދޫކޮށްލުމަށް އޭނާ މިހާރު ކުޅޭ ކްލަބުން އެއްބަސްވާނެ ކަމަށް އުންމީދު ކުރާ ކަމަށެވެ. ސްލޯނީނާ މިހާރު ކުޅެމުން އަންނަނީ އެމެރިކާގެ ޗިކާގޯ ފަޔާއަށެވެ.
ގާސިއާ ބުނީ ރެއާލްއަށް ކުޅުމަކީ ސްލޯނީނާގެ ހުވަފެނެއް ކަމަށެވެ. ރެއާލް ނޫން އެހެން ކްލަބުތަކުންވެސް ސްލޯނީނާ ހޯދުމަށް އަންނަނީ މަސައްކަތް ކުރަމުންނެވެ. އެކަމަކު ގާސިއާ ބުނީ ރެއާލްއަށް ނޫނެކޭ ނުބުނެވޭނެ ކަމަށެވެ.
ސްލޯނީނާ އަކީ ޔޫރަޕުގެ ގިނަ ކްލަބުތަކަކުން ކަޅިއަޅަމުން އަންނަ ކީޕަރެކެވެ. ޒުވާން ކީޕަރަށް 18 އަހަރު ފުރުނީ މިހިނގާ މެއި މަހުއެވެ. ސްލޯނީނާއަކީ އެމެރިކާގެ 20 އަހަރުން ދަށުގެ ގައުމީ ޓީމުގެ މުހިންމު ކުޅުންތެރިއެކެވެ.
