އިމާރާތުގެ މަތިން ވެއްޓުނު ކުއްޖާ ގެއަށް އައީ އަމިއްލައަށް

މާލޭގައި އިމާރާތެއްގެ މަތިން ވެއްްޓުނު 12 އަހަރު ކުއްޖާ މިހާރު ފެނިފައިވާ ކަމަށާއި އެ ކުއްޖާގެ ހާލު ރަނގަޅު ކަމަށް ފުލުހުން ބުނެއިފިއެވެ.

އެކުއްޖާގެ ވެއްޓިފައިވަނީ މާފަންނު އައިޓަމްސް ފިހާރަ ކައިރީގައި ހުރި އިމާރާތެއްގެ 4ވަނަ ބުރިން ކަމަށް މައުލޫމާތު ލިބެއެވެ. އެކުއްޖާ ވެއްޓުނު ފަހުން ކުއްޖާއަށް ވީގޮތެއް ނޭނގިގެން ހޯދަން ފެށިއެވެ. ނަމަވެސް ފުލުހުން ބުނީ، 21:47 ކަންހާއިރު އެކުއްޖާ ގެއަށް އައިސްފައިވާ ކަމަށް އާއިލާ އިން މައުލޫމާތު ދީފައިވާ ކަމަށެވެ. ކުއްޖާގެ ހާލު ރަނގަޅު ކަމަށް ވެސް ފުލުހުން ބުނެއެވެ.

ފުލުހުން ބުނީ 12 އަހަރުގެ ފިރިހެން ކުއްޖަކު ވެއްޓިފައިވާ ކަމަށް ފުލުހުންނަށް ރިޕޯޓް ކުރީ 20:31 ކަންހާއިރު ކަމަށެވެ. އެކަމާ ގުޅޭ ގޮތުން އިތުރަށް ބަަލަންޖެހޭ ކަންކަން ބަލަމުން އަންނަ ކަމަށް ފުލުހުން ބުންޏެވެ.