ކަށީގެ ޑޮކްޓަރ ޝާން އައިޖީއެމްއެޗުން ވަކިވެ ޔޫއޭއީއަށް
ޑރ. ޝާން ވަނީ މިދިޔަ އަހަރުގެ ޖެނުއަރީން ފެށިގެން މިއަހަރުގެ މެއި މަހާ ހަމަޔަށް އައިޖީއެމްއެޗްގެ މެޑިކަލް ޑިރެކްޓަރުގެ މަޤާމު ފުރުއްވާފައި
ކަށީގެ ޑޮކްޓަރު ޔޫސުފް ޝާން
ކަށީގެ ޑޮކްޓަރު ޔޫސުފް ޝާން އައިޖީއެމްއެޗުން ވަކިވެވަޑައިގެންފިއެވެ.
އައިޖީއެމްއެޗުން ސޯޝަލް މީޑިޔާގައި ކޮށްފައިވާ ޕޯސްޓެއްގައި ބުނެފައިވަނީ އެ ހޮސްޕިޓަލުގެ ކަށީގެ ސީނިއާ ކޮންސަލްޓަންޓް، ޑރ. ޝާން ވަޒީފާއިން ވަކިވެވަޑައިގަތީ އަބޫދާބީގައި އައު ޗެލެންޖްތަކަކާއި ކުރިމަތިލެއްވުމަށްކަމަށެވެ.
ޑރ. ޝާން ވަނީ މިދިޔަ އަހަރުގެ ޖެނުއަރީން ފެށިގެން މިއަހަރުގެ މެއި މަހާ ހަމަޔަށް އައިޖީއެމްއެޗްގެ މެޑިކަލް ޑިރެކްޓަރުގެ މަޤާމު ފުރުއްވާފައެވެ.
ޑރ ޝާންގެ މަސައްކަތް ފާހަގަކޮށް، ހޮސްޕިޓަލުން ވަނީ ފެއާވެލްއެއް ބާއްވާފައެވެ.
ޑރ. ޝާން ވަކިވެވަޑައިގަތުމަށް ނިންމެވި ޚަބަރާއެކު އެތައް ބަޔަކު އަންނަނީ އެއީ ރާއްޖެއަށް ލިބުނު ވަރަށް ބޮޑު ގެއްލުމެއް ކަމަށް ބުނެ ސޯޝަލް މީޑިޔާގައި ޝުއޫރު ފާޅުކުރަމުންނެވެ.
ގިނަ ބައެއްގެ މެދުގައި މަޤުބޫލުކަން ހޯއްދަވާފައިވާ ޑރ. ޝާން ވަނީ އައިޖީއެމްއެޗުގެ އިތުރުން ވެސް ބައެއް އަމިއްލަ ކްލިނިކްތަކުގައިވެސް މީހުން ބައްލަވާފައެވެ.
