ރަތަފަންދޫ ރައްޔިތުންގެ ދިގު އިންތިޒާރުގެ ނިމުން: ގިރާ ސަރަހައްދުގެ މަސައްކަތް ޖޫން މަހު ފަށަނީ
19 މެއި 2022 | ބުރާސްފަތި 08:08މި މައްސަލައަށް ވަނީ 20 އަހަރަށްވުރެ ގިނަ ދުވަސްވެފައި
ރަތަފަންދޫ ގިރާ ސަރަހައްދު
ގދ. ރަތަފަންދޫގެ ގިރާ ސަރަހައްދު ހިމާޔަތްކުރުމުގެ މަސައްކަތް ޖޫން މަހު ފެށޭނެ ކަމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އިން ބުނެފިއެވެ.
ރަތަފަންދޫއަށް ދިމާވެފައިވާ ރަށް ގިރުމުގެ މައްސަލައަށް 20 އަހަރަށްވުރެ ގިނަ ދުވަސް ވެފައިވާއިރު، އެ ރަށުގެ ރައްޔިތުން ބޭނުންވަނީ ވީހާވެސް އަވަސް ހައްލެއް މި މައްސަލައަށް ލިބުމެވެ. މީގެ ކުރީ ސަރުކާރުތަކުން މި މަސައްކަތް ކޮށްދޭނެ ކަމަށްބުނެ އެއްވެސް ސަރުކާރަކުން މަސައްކަތް ނިންމައިދީފައިނުވާތީ، އެރަށު ރައްޔިތުންވަނީ ކަންބޮޑުވުން ފާޅުކޮށްފައެވެ.
މިސަރުކާރުން ވަނީ ރަތަފަންދޫ ރަށް ގިރުމުގެ މައްސަލަ ހައްލުކުރުމަށް އެ މަސައްކަތް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ)އާ ހަވާލުކޮށްފައެވެ. އެމްޓީސީސީގެ ސީއީއޯ އާދަމް އާޒިމް ވަނީ ރަތަފަންދޫއަށް ވަޑައިގެން ގިރާ ސަރަހައްދު ބައްލަވާލައްވާފައެވެ.
އެ ސަރަހައްދު ބައްލަވާލެއްވުމަށްފަހު އާޒިމް ވިދާޅުވީ މި މަސައްކަތުގެ އީއައިއޭ މަސައްކަތްތައް މިހާރު ނިމިފައިވާކަމަށެވެ. މިހާރު ކުރިއަށްދަނީ މޮބިލައިޒް ކުރުމުގެ މަސައްކަތް ކަމަށާއި، ޖޫން މަސް ތެރޭގައި މަސައްކަތް ފެށުމަށް މަސައްކަތްކުރައްވަމުންދާކަމަށް އާޒިމް ވިދާޅުވިއެވެ.
ރަށްރަށަށް ދިމާވާ މިފަދަ މައްސަލަތަކަށް ހައްލު ހޯދުމަށް ހިންގާ މަޝްރޫއުތަކަކީ ސަރުކާރުން ޚާއްސަ އިސްކަމެއް ދީގެން ކުރިއަށްގެންދާނެ މަޝްރޫއުތަކެއް ކަމަށް އާޒިމް ވިދާޅުވިއެވެ. މި މަސައްކަތް ފަށަން ނިންމާފައިވާ ތާރީޚު ޖޫން ޖުލައިގައި ކޮޅިގަނޑާ ދިމާވި ނަމަވެސް އިތުރު ހިތްވަރެއް ލައި، އެ ރަށުގެ ރަށް ގިރުމުގެ ޕްރޮޖެކްޓް މިއަހަރު ތެރޭ ނިންމުމަށް މަސައްކަތްކުރައްވާނެ ކަމަށް އާޒިމް ވިދާޅުވިއެވެ.
މި މަސައްކަތާ ގުޅިގެން ރަތަފަންދޫ ކައުންސިލްގެ ރައީސް މުހައްމަދު އަބްދުﷲ ވިދާޅުވީ މިއީ އެރަށު ރައްޔިތުން ގިނަ ދުވަސްތަކެއް ވަންދެންކުރަމުން އައި ދިގު އިންތިޒާރެއްގެ ނިމުން ކަމަށެވެ. މިކަމުގެ ސަބަބުން އެރަށު ރައްޔިތުންނަށް ވަރަށް ބޮޑު ތަކުލީފެއް ލިބޭ ކަމަށާއި، އެ ސަރަހައްދުން އެހެން ސަރަހައްދުތަކަށް ހިޖުރަ ކުރަންވެސް މަޖުބޫރުވެފައިވާކަމަށް އޭނާ ވިދާޅުވިއެވެ.
ރަތަފަންދޫއިން "ރާއްޖެއެމްވީ" އާ ވާހަކަދެއްކި މީހަކު ބުނިގޮތުގައި މިއީ 1990 ވަނަ އަހަރުން ފެށިގެން އެ ރަށަށް ދިމާވަމުންދާ މައްސަލައެކެވެ. ރާޅު އަރާއިރުގައި އެ ހިސާބުގައި ހުރި ގޭއްގޭގެ ފާރު މަތިން ރާޅު އަރައިގެންދާކަމަށް އޭނާ ކިޔައިދިނެވެ. އަދި 50 ވަރަކަށް ފޫޓު ގިރައިގެން ގޮސްފައިވާކަމަށް އޭނާ ބުންޏެވ
