ޔުނައިޓެޑާ ގުޅުނީ މާރަނގަޅު ހުށަހެޅުންތައް ދޫކޮށްފައި: ޓެން ހާގް
17 މެއި 2022 | އަންގާރަ 14:04ޔުނައިޓެޑަށް ވަނީ މިއަންނަ ސީޒަންގައި ޗެމްޕިއަންސް ލީގު ކުޅުމުގެ ފުރުސަތު ގެއްލިފައި
ޔުނައިޓެޑްގެ ކޯޗުކަމާ އަލަށް ހަވާލުވި އެރިކް ޓެން ހާގް
މެންޗެސްޓަރ ޔުނައިޓެޑާ ގުޅުނީ ޔުނައިޓެޑްގެ ހުށަހެޅުންތަކަށްވުރެ މާ ރަނގަޅު ހުށަހެޅުންތަކެއް ދޫކޮށްލާފައިކަމަށް މެންޗެސްޓަރ ޔުނައިޓެޑާ އަލަށް ހަވާލުވި އެރިކް ޓެން ހާގް ބުނެފިއެވެ.
ޓެން ހާގް ބުނީ ތަފާތު އެކި ކްލަބް ތަކުން އޭނާއަށް މާ ރަނގަޅު ހުށަހެޅުންތައް ލިބުނު ކަމަށެވެ. އަދި ޓީމު އޮތީ ވަރަށް އުނދަގޫ ހާލަތެއްގައިކަން ފާހަގަކޮށް އޭނާ ބުނީ، ޓީމު އަޑިގަނޑުން އެރުވުމަށް މަސައްކަތް ކުރާނެކަމަށެވެ. ޔުނައިޓެޑަށް ދިމާވެފައިވާ އުނދަގޫ ހާލަތުން އަރައިގަތުމަށް މަސައްކަތްްކުރާނެ ގޮތަކާމެދު ޓީމާއެކު މަޝްވަރާކުރަމުން އަންނަކަން ފާހަގަކޮށް ދެފަރާތުގެ ޚިޔާލުވެސް ދިމާވާކަމަށް އޭނާ ބުންޏެވެ. ޓެންހާގް މިހާރު ވަނީ އެޓީމާ ހަވާލުވެ، މިއަންނަ ސީޒަނަށް ތައްޔާރުވުމަށް މެންޗެސްޓަރއަށް ދަތުރުކޮށްފައެވެ.
މި ސީޒަންގައި ޕްރިމިއަރ ލީގުގެ ގަދަ ހަތަރެއްގައި ނުހިމެނުމުން ޔުނައިޓެޑަށް ވަނީ މިއަންނަ ސީޒަންގައި ޗެމްޕިއަންސް ލީގު ކުޅުމުގެ ފުރުސަތު ގެއްލިފައެވެ.
