ކ. މާލެ
|
31 ޖުލައި 2017 | ހޯމަ 18:55
ސާބިއާގެ މިޑްފިލްޑަރު މަޓިޗް
ސާބިއާގެ މިޑްފިލްޑަރު މަޓިޗް
ގޯލް.ކޮމް
ޓްރާންސްފާ މާކެޓް
މަޓިޗް، ޔުނައިޓެޑާއި އެކު މެޑިކަލް ފުރިހަމަކޮށްފި
 
ހޯމަ ދުވަހު، މަޓިޗް ޔުނައިޓެޑްގެ ކޮންޓްރެކްޓްގައި ސޮއެ ކުރާނެ ކަމަށް ރިޕޯޓްތަށް ބުނޭ
 
މަޓިޗް ޔުނައިޓެޑަށް ބަދަލުވާން އެއްބަސްވެފައި ވަނީ 40 މިލިއަން ޕައުންޑަށް

އިންގިރޭސި ޗެމްޕިއަން ޗެލްސީއަށް ކުޅެމުން އައި ސާބިއާގެ މިޑްފިލްޑަރު ނެމަންޔާ މަޓިޗް، މެންޗެސްޓާ ޔުނައިޓެޑަށް ބަދަލުވުމަށްޓަކައި، އެ ކުލަބާއި އެކު މެޑިކަލް ފުރިހަމަ ކޮށްފިއެވެ.

ރިޕޯޓްތަށް ބުނާގޮތުން މަޓިޗް ޔުނައިޓެޑަށް ބަދަލުވަނީ 40 މިލިއަން ޕައުންޑުގެ އަގަކަށެވެ. އެގޮން މިހާރު ދެފަރާތުންވެސް އެއްބަސްވުމަކާއި ގާތަށް އައިސްފައި ވާކަމަށް ރިޕޯޓްތަށް ބުނެއެވެ. ޓްރާންސްފާގެ އެންމެ ފަހުގެ މަރުހަލާތައް  ފުރިހަމަ ކުރަމުންދާ މަޓިޗް، ހޯމަ ދުވަހުގެ ވަގުތެއްގައި ޔުނައިޓެޑާއި އެކު ކޮންޓްރެކްޓްގައި ސޮއެ ކުރާނެ ކަމަށް ވެސް ރިޕޯޓަތަށް އަންނަނީ ބުނަމުންނެވެ.

މެންޗެސްޓާ ޔުނައިޓެޑުގެ ކޯޗް ހޯސޭ މޮރީނިއޯ ބުނެފައިވަނީ، މަޓިޗް އަކީ ހުނަރުވެރި މޮޅު ކުޅުންތެރިއެއް ކަމަށާއި، އޭނާ އަކީ ޔުނައިޓެޑަށް ވަރަށް މުހިންމު ކުޅުންތެރިއެއް ކަމަށެވެ. އެގޮތުން އޭނާގެ ބޭނުން ޔުނައިޓެޑަށް ފުރިހަމަގޮތުއި ހިފޭނެ ކަމަށް ވެސް މޮރީނިއޯ ވަނީ ބުނެފައެވެ.

ފާއިތުވި ސީޒަނުގައި ޗެލްސީ އާއިއެކު އިނގިރޭސި ޕްރެމިއާ ލީގު ކާމިޔާބުކުރި މަޓިޗް ވަނީ އެޓީމަށް މިހާތަނަށް ކުޅުނު 151 މެޗުގައި 7 ގޯލު ކާމިޔާބުކޮށްދީފައެވެ.

ސްލޮވަކް ސުޕަލީގާގެ ކޮސިޗެ އިން ސީނިއާ ކްލަބް ލެވެލް ކެރިއަރު ފެށި މަޓިޗް  އެންމެ ފުރަތަމަ ޗެލްސީ އާއި ގުޅިފައި ވަނީ 2009 ވަނަ  އަހަރު 1.5 މިލިއަން ޕައުންޑަށެވެ.  އެއައް ފަހު 2011 ވަނަ އަހަރު މަޓިޗް ވަނީ 25 މިލިއަން ޔޫރޯއަށް ޕޯޗުގަލްގެ ބެންފީކާއަށް ބަދަލުވެފައެވެ. އެކުލަބާއި އެކު 3 ސީޒަން ހޭދަ ކުރުމަށް ފަހު އޭނާ އެނބުރި ޗެލްސީއަށް ބަދަލުވީ 2014 ވަނަ އަހަރު 21 މިލިއަން ޕައުންޑަށެވެ.

ކުރިއަށްއޮތް ސީޒަނަށް ސްކޮޑް ވަރުގަދަ ކުރުމަށްޓަކައި  މެންޗެސްޓާ ޔުނައިޓެޑުން ވަނީ އެވަޓަން އަށް ކުޅެމުން އައި ފޯވާޑް ރޮމޭލޫ ލުކާކޫ އާއި  ބެންފީކާއަށް ކުޅެމުން އައި ސްވިޑަންގެ  ޑިފެންޑަރު ވިކްޓާ ލިންޑްލޯފް ވެސް ގެނެސްފައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ހުޝާމް މުހަޢްމަދް
0%
100%
0%
0%
0%
0%
ކޮމެންޓް