ބާސެލޯނާގެ މިޑްފީލްޑަރ ގަވީގެ ކޮންޓްރެކްޓް އައު ކުރުމުގެ މަސައްކަތް ފަށައިފިއެވެ.
ގަވީގެ ކޮންޓްރެކްޓް އައު ކުރުމަށްޓަކައި ބާސެލޯނާއިން މިހާރު ވަނީ އޭނާގެ އެޖެންޓާއެކު އިތުރު މަޝްވަރާތައް ކޮށްފައެވެ. އިތުބާރު ހުރި ކުޅިވަރު ނޫސްވެރިޔާ ފަބްރީޒިއޯ ރޮމާނޯ ކުރި ޕޯސްޓެއްގައި އޭނާބުނީ ބާސެލޯނާއިން މަސައްކަތް ކުރަމުން އަންނަނީ 2027 އާއި ހަމައަށް ގަވީގެ ކޮންޓްރެކްޓް އައު ކުރުމަށެވެ.
މީގެ އިތުރުން އޭނާގެ ރިލީޒް ކްލޯސްއެއްގެ ގޮތުގައި ކަނޑައަޅާފައިވާ 50 މިލިއަން ޕައުންޑް އުނިކޮށް، އެއް ބިލިއަން ޕައުންޑަށް އޭނާގެ ރިލީޒް ކްލޯސް ހެދުމަށްވެސް ބާސެލޯނާއިން އަންނަނީ މަސައްކަތް ކުރަމުންނެވެ. ބާސެލޯނާއަށް ކުލެމުން އަންނަ ޕެޑްރީ އަދި އަންސޫ ފަޓީއާއެކުވެސް ބާސެލޯނާއިން ވަނީ މިފަދަ ކޮންޓްރެކްޓެއް ހަދާފައެވެ.
ފަބްރީޒިއޯ ބުނީ ދެފަރާތުގެ މަޝްވަރާތަށް މިހާރު ގާތްގަނޑަކަށް ނިމިފައިވާ ކަމަށެވެ. އަދި މިހާރު ކުރިއަށް ދަނީ އެންމެ ފަހުގެ ޑީޓެއިލްސްތައް އެއްބަސްވުމުގައި އެކުލަވާލުމުގެ މަސައްކަތް ކަމަށްވެސް ފަބްރީޒިއޯ ބުންޏެވެ.
ބާސެލޯނާއާއެކު ގަވީ މިހާރު ހަދާފައިވާ އެއްބަސްވުމުގެ މުއްދަތު ހަމަވާނީ 2023 ވަނަ އަހަރުގެ ނިޔަލަށެވެ.
