މާޅެންދޫ ކައުންސިލާއި ހެލްތު ސެންޓަރ ބައްދަލުކުރި މެޗު އެއްވަރު

މާޅެންދޫގައި ކުރިއަށްދާ ފެނަކަ އިންޓަރ އޮފީސް ފުޓްސަލް ކަޕް 2022ގައި, ކައުންސިލާ ހެލްތު ސެންޓަރުގެ ޓީމު ބައްދަލުކުރި މެޗު އެއްވަރުވެއްޖެއެވެ.

މިއަދު ހަވީރު ކުޅުނު މި މެޗު ނިމުނީ 2-2ންނެވެ. މެޗުގައި ކައުންސިލް ޓީމުގެ ލަނޑުތައް ޖަހައިދިނީ މުހައްމަދު މުމްތާޒާއި އިސްމާއިލް ނަސީމެވެ. ހެލްތު ސެންޓަރުގެ ލަނޑުތައް ކާމިޔާބުކޮށްދިނީ މެޗުގެ މޮޅު ކުޅުންތެރިޔާ ހުސައިން ސާޖިދުއާއި މުހައްމަދު ސަނީލެވެ. މުބާރާތުގައި މި ދެޓީމުވެސް ކުޅުނު ފުރަތަމަ މެޗުން ވަނީ ބަލިވެފައެވެ.

މުބާރާތުގައި މާދަމާ ބައްދަލުކުރާނީ މާޅެންދޫ ސްކޫލާއި ފެނަކަ ޓީމެވެ. މި ދެޓީމުވެސް ވަނީ މުބާރާތުގައި ކުޅުނު ފުރަތަމަ މެޗު ކާމިޔާބުކޮށްފައެވެ.