އެމްޓީސީސީ ނޯތް ލީގު: ގްރޫޕް ސީގެ އެއްވަނާގައި ކެނދިކުޅުދޫ
17 އޯގަސްޓު 2022 | ބުދަ 14:42ދެވަނައިގައި އޮތީ ހޮޅުދޫ
ނޯތް ލީގު ގްރޫޕް ސީގެ މެޗެއްގެ ތެރެއިން
އެމްޓީސީސީ ނޯތު ލީގު ދެވަނަ ޑިވިޝަންގެ ގްރޫޕް ސީގައި ކޮންމެ ޓީމެއް ހަތަރު މެޗު ކުޅުނުއިރު ކެނދިކުޅުދޫ އެއްވަނައިގައި ދެ ޕޮއިންޓްގެ ލީޑެއް ނަގައިފިއެވެ.
ނ.އަތޮޅަށް އަމާޒުކޮށްފައިވާ ގްރޫޕް ސީގައި ވާދަކުރަނީ ހަތަރު ޓީމެވެ. އެއީ ކެނދިކުޅުދޫ އެފްސީއާއި, ޓީމް ހޮޅުދޫއާއި, ކުޑަފަރި އެފްސީއާއި, ސޮސައިޓީ ފޮރ މާޅެންދޫ ޔޫތް ޑިވެލޮޕްމަންޓެވެ. ކޮންމެ ޓީމެއް ހަތަރު މެޗު ކުޅެ ނިމުނުއިރު ކެނދިކުޅުދޫ އެއްވަނައިގައި އޮތީ ތިން މެޗުން މޮޅުވެގެންނެވެ. ބަލިވީ ކުޑަފަރީ އަތުންނެވެ. ދެވަނައިގައި އޮތީ ހޮޅުދުއެވެ. އެއީ ހަތަރު މެޗުން ހަތް ޕޮއިންޓް ހޯދައިގެންނެވެ. ބަލިވީ ކެނދިކުޅުދޫ އަތުންނެވެ. އަދި ކުޑަފަރީއާއި ވާދަކޮށްވީ އެއްވަރެވެ. ތިންވަނައިގައި ކުޑަފަރީ އޮތީ ހަތަރު ޕޮއިންޓާއި އެކުއެވެ. ފުރަތަމަ ދެ މެޗުން ބަލިވިޔަސް ތިންވަނަ މެޗުގައި ކެނދިކުޅުދޫ ބަލިކޮށް, ހަތަރު ވަނަ މެޗުގައި ހޮޅުދޫގައި ކުޅެ ހޮޅުދޫއާއި އެއްވަރުކުރިއެވެ. ހަތަރުވަނައިގައި މާޅެންދޫ މޮޅުވީ ހަމައެކަނި ކުޑަފަރީ އަތުންނެވެ.
މިގްރޫޕްގައި ބުރާސްފަތި ދުވަހު ހަވީރު ހޮޅުދޫގައި ކުޅޭ މެޗުގައި ވާދަކުރާނީ ހޮޅުދޫއާއި ކެނދިކުޅުދޫއެވެ. ކެނދިކުޅުދޫގައި ކުޅޭ މެޗުގައި ވާދަކުރާނީ މާޅެންދޫއާއި ކުޑަފަރީއެވެ.
