ފެނަކަ އިންޓަރ އޮފީސް ފުޓްސަލް ކަޕް: ދެވަނަ މެޗު ސްކޫލަށް
މި މެޗު ސްކޫލް ޓީމުން ކާމިޔާބުކުރީ 3-1 ން
މުބާރާތުގައި ސްކޫލް ޓީމާއި ހެލްތު ސެންޓަރގެ ޓީމު ބައްދަލުކުރި މެޗުގެ ތެރެއިން
ނ. މާޅެންދޫގައި މިހާރު ކުރިއަށްދާ ފެނަކަ އިންޓަރ އޮފީސް ފުޓްސަލް ކަޕް 2022ގެ ދެވަނަ މެޗު ސްކޫލް ޓީމުން ކާމިޔާބުކޮށްފިއެވެ.
މުބާރާތުގައި ހުކުރު ދުވަހު ބައްދަލުކުރީ މާޅެންދޫ ސްކޫލް ޓީމާއި ހެލްތު ސެންޓަރގެ ޓީމެވެ. މި މެޗު ސްކޫލް ޓީމުން ކާމިޔާބުކުރީ 3-1 ންނެވެ. ސްކޫލް ޓީމުގެ ލަނޑުތައް ޖަހައިދިނީ މެޗުގެ މޮޅު ކުޅުންތެރިޔާ މޫސާ މުހައްމަދުގެ އިތުރުން މުހައްމަދު ފައިސަލް އަދި އަލީ މައުސޫމްއެވެ. ހެލްތު ސެންޓަރުގެ ހަމައެކަނި ލަނޑު ދެވަނަ ހާފުގައި ލިބުނު ޕެނަލްޓީއަކުން ކާމިޔާބުކޮށްދިނީ މުހައްމަދު ފަރުހާންއެވެ.
މުބާރާތުގައި ހޮނިހިރު ދުވަހު ބައްދަލުކުރާނީ ކައުންސިލް ޓީމާއި ހެލްތު ސެންޓަރގެ ޓީމެވެ. މި މެޗަށް ނިކުންނައިރު ދެޓީމުވެސް ވަނީ މުބާރާތުގެ ފުރަތަމަ މެޗުން ބަލިވެފައެވެ. މުބާރާތުގެ ފުރަތަމަ މެޗުގައި ފެނަކަ އަތުން ކައުންސިލް ބަލިވީ 6-1ންނެވެ.
