ލަންދޫ ފެނަކަ ބްރާންޗްގެ މުއައްސަސާ ކަޕް ފަށައިފި

ނ.ލަންދޫ ފެނަކަ ބްރާންޗުން ރަށުގެ މުއައްސަސާތަކުގެ މެދުގައި ބާއްވާ "މުއައްސަސާ ކަޕް 2022" ފުޓްސަލް މުބާރާތް ފަށައިފިއެވެ.

މުބާރާތުގައި ވާދަކުރަނީ ލަންދޫ ފެނަކަ ބްރާންޗްގެ އިތުރުން, ޞިއްޙީ މަރުކަޒު, ސްކޫލް, ކައުންސިލް އަދި ޕޮލިހެވެ. ހޯމަ ދުވަހުގެރޭ ފެށި މުބާރާތުގެ ފުރަތަމަ މެޗު ކާމިޔާބުކުރީ ފެނަކައެވެ. އެޓީމް މެޗު ކާމިޔާބުކުރީ ލަންދޫ ޕޮލިހާ ވާދަކޮށް 6-3 ނެވެ. މެޗުގައި ފެނަކައިގެ މުޙައްމަދު ސައީދު ހަތަރު ލަނޑު ޖެހިއެވެ. މެޗުގެ މޮޅު ކުޅުންތެރިއަކީވެސް އޭނާއެވެ. އެޓީމްގެ އަނެއް ދެ ލަނޑު ޖެހީ މުޙައްމަދު ސަމާހުއެވެ. ލަންދޫ ޕޮލިސް ޓީމްގެ ތިން ލަނޑުގެ ތެރެއިން ދެ ލަނޑު ޖެހީ ސިނާނު އަބުދުލްޣަނީއެވެ. އަނެއް ލަނޑުޖެހީ ނައުޝާދު އަބްދުއްރަހީމްއެވެ.

ދެވަނަ މެޗު ލަންދޫ ކައުންސިލާ ވާދަކޮށް 2-1 ން ކާމިޔާބުކުރީ ޞިއްޙީ މަރުކަޒެވެ. ޞިއްޙީ މަރުކަޒު ޓީމްގެ ދެ ލަނޑު ޖެހީ ހުސެއިން އަހުނަފް އަލީއާއި ހުސެއިން ޖަވާދުއެވެ. މެޗުގެ މޮޅު ކުޅުންތެރިއަކީ އަހުނަފްއެވެ. ފަސް ޓީމް ވާދަކުރާ މުބާރާތުގެ ފައިނަލަށް ދަތުރުކުރާނީ ލީގު ބުރެއް ކުޅެ ނިމޭއިރު އެންމެ ގިނަ ޕޮއިންޓް ހޯދާ ދެޓީމެވެ.