ފެނަކައާއި ކައުންސިލް އެއްވަރު، ޕޮލިސް މޮޅު
12 މެއި 2022 | ބުރާސްފަތި 02:46އެއްވަނާގައި އޮތީ ފެނަކަ
ލަންދޫ ފެނަކަ މުއައްސަސާ ކަޕް މެޗެއްގެ ތެރެއިން
ނ.ލަންދޫ ފެނަކަ ބްރާންޗުން އެރަށުގެ މުއައްސަސާތަކުގެ މެދުގައި ކުރިއަށްގެންދާ މުއައްސަސާކަޕް ފުޓްސަލް މުބާރާތުގައި ޕޮލިސް މޮޅުވެ, ފެނަކައާއި ކައުންސިލް އެއްވަރުވެއްޖެއެވެ.
ލަންދޫ ޕޮލިސް މެޗު ކާމިޔާބުކުރީ ލަންދޫ ސްކޫލާ ވާދަކޮށް 3-2 ނެވެ. މެޗުގެ މޮޅު ކުޅުންތެރިއަކީ ޕޮލިސް ޓީމްގެ ނައުޝާދު އަބުދުއްރަހީމްއެވެ. މެޗުގައި އޭނާ އެއް ލަނޑު ޖެހިއެވެ. ޕޮލިސް ވަނީ 2-0 ން ޞިއްހީމަރުކަޒުވެސް ބަލިކޮށްފައެވެ. ކައުންސިލާ ފެނަކަ ވާދަކުރި މެޗު އެއްވަރުވީ 1-1 ނެވެ. މެޗުގައި ކައުންސިލް ޓީމްގެ ލަނޑު ޖެހީ މުއާވިޔަތު އަބުދުއްރަހީމެވެ. އަދި ފެނަކަ ޓީމަށް ލަނޑު ޖަހައިދިނީ މެޗުގެ މޮޅު ކުޅުންތެރިޔާ މުޙައްމަދު ސަމާހުއެވެ. ކައުންސިލް އަތުން މޮޅުނުވެވުނަސް ފެނަކައިން ވަނީ 3-1 ން ލަންދޫ ސްކޫލް ބަލިކޮށްފައެވެ.
މިވަގުތު އެއްވަނާގައި އޮތީ ތިން މެޗުން ހަތް ޕޮއިންޓާއެކު ފެނަކައެވެ. ދެވަނާގައި ޕޮލިސް އޮތީ ތިން މެޗުން ހަ ޕޮއިންޓާއެކުއެވެ. ޞިއްޙީ މަރުކަޒަށް ދެ މެޗުން ލިބިފައިވަނީ ތިން ޕޮއިންޓެވެ. ޕޮއިންޓެއް ނުލިބި އޮތީ ލަންދޫ ސްކޫލް ޓީމެވެ.
