ކޮންމެ ކުޑަކުއްޖަކަށް ވެސް ރައްކާތެރި މާހައުލެއް ޔަޤީން ކޮށްދޭން ޖެހޭ: ރައީސް

ކޮންމެ ކުޑަކުއްޖަކަށް ވެސް ރައްކާތެރި މާހައުލެއް ޔަޤީންކޮށްދޭން ކުރެވެން ހުރި ހުރިހާ ކަމެއް ކުރަން ޖެހޭ ކަމަށް ރައީސުލްޖުމްހޫރިއްޔާ އިބްރާޙިމް މުޙައްމަދު ޞާލިޙު ވިދާޅުވެއްޖެއެވެ.

ރައީސް މިހެން ވިދާޅުވީ ކުޑަކުދިންގެ ދުވަހާ ގުޅިގެން އަންގާރަ ދުވަހު ކުރެއްވި ޓްވީޓެއްގައެވެ. އެ ޓްވީޓުގައި ރައީސް ވަނީ ރާއްޖޭގައި ކުޑަދިންގެ ދުވަސް ފާހަގަކުރާއިރު ކުޑަކުދިންނަށް ރައްކާތެރިކަމާއި އަޅާލުމާއި ލޯބި ލިބޭ މާހައުލެއްގައި ބޮޑުވުމަށް މަގުފަހިކޮށްދޭން މަސައްކަތް ކުރަން ޖެހޭ ކަން ފާހަގަކުރައްވާފައެވެ.

ރައީސް ވިދާޅުވީ ކުޑަކުދިންނަކީ ޤައުމުގެ މުސްތަޤުބަލު ކަމަށްވާއިރު އެ ކުދިންނަށް ރައްކާތެރިކަން ދޭން ޖެހޭނެ ކަމަށެވެ.

އެ ޓްވީޓުގައި އެމަނިކުފާނު ވަނީ ރާއްޖޭގެ ހުރިހާ ކުޑަކުދިންނަށް ދުވަހުގެ ތަހުނިޔާ އަރިސްކުރައްވާފައެވެ.

ކޮންމެ އަހަރަކު ވެސް ކުޑަކުދިންގެ ދުވަސް ފާހަގަ ކުރަނީ މެއި 10 ވަނަ ދުވަހުއެވެ. ކޮންމެ އަހަރަކު ވެސް ރާއްޖޭގެ ހުރިހާ ސްކޫލެއްގައި މި ދުވަސް ކުލަ ގަދަކޮށް ފާހަގަކުރެއެވެ.