ގްރީން އަތުން މޮޅުވެ އީގަލްސް އެއްވަނައަށް!
6 މެއި 2022 | ހުކުރު 05:08ޔޫވީ ބަލިކޮށްގެން މާޒިޔާއަށް އަލުން އެއްވަނަ ލިބޭނެ
ލަނޑުޖެހުމަށްފަހު އީގަލްސް ކުޅުންތެރިން
ދިރާގު ދިވެހި ޕްރިމިއަރ ލީގުގައި ކްލަބް ގްރީން ސްޓްރީޓްސް ބަލިކޮށް, އީގަލްސް ތާވަލްގެ އެއްވަނައަށް ޖެހިލައިފިއެވެ.
އީގަލްސް އެއްވަނައަށް ޖެހިލީ 3-2 ން ގްރީން ބަލިކޮށްގެން ހޯދި ތިން ޕޮއިންޓާއެކުއެވެ. މެޗުގައި ފުރަތަމަ ކުރި ހޯދީ ގްރީންއިންނެވެ. މެޗު ފަށައިގެން ހަތަރު ވަނަ މިނިޓްގައި ގްރީންއަށް ކުރި ހޯދައިދިވީ އަވީލޯއެވެ. އެކަމަކު އޭގެ 15 މިނިޓްފަހުން ޒައިން ޒަފަރު ލަނޑުޖަހާ އީގަލްސްއަށް ނަތީޖާ ހަމަހަމަކޮށްދިނެވެ. ދެވަނަ ހާފްގައި އީގަލްސްއަށް ފުރަތަމަ ފަހަރަށް ކުރި ހޯދައިދިނީވެސް ޒައިން ޒަފަރުއެވެ. އީގަލްސްގެ ތިންވަނަ ލަނޑު ޖެހީ ހަސަން ރާއިފް އަހުމަދު (ހަންނަ) އެވެ. ގްރީންގެ ދެވަނަ ލަނޑަކީ ބައިގޯލެކެވެ. ސާއިފް ބޮލުން ޖެހިބޯޅަ ދަނޑީގައި ޖެހިފައި ނިކުތް ވަގުތު ގޯލަށް ވަނީ ޑިފެންޑަރުން ސާފުކޮށްލަން އުޅުމުގެ ތެރޭގައެވެ.
މިމޮޅާއެކު އީގަލްސް އެއްވަނާގައި އޮތީ 11 މެޗުން 28 ޕޮއިންޓް ހޯދައިގެންނެވެ. ދެވަނާގައި މާޒިޔާ އޮތީ 10 މެޗުން 27 ޕޮއިންޓާއެކުއެވެ. ހުކުރު ދުވަހު ހަވީރު ޔުނައިޓެޑް ވިކްޓްރީ ބަލިކޮށްގެން މާޒިޔާއަށް އަލުން އެއްވަނައަށް އެރޭނެއެވެ.
