އޯލެވެލް ނިމެންދެން އެމްޓީސީސީއިން ހުކުރު ދުވަހު މާލެ އާއި ވިލިމާލެއާ ދެމެދު އިތުރު ފެރީއެއް
ހުކުރު ދުވަހު އިތުރު ކުރި ފެރީ އޮންނާނީ މެންދުރު 1:10 ގައި
ވިލިމާލެ ފެރީ ޓާމިނަލް
އޯލެވެލް އިމްތިހާނު ނިމެންދެން ކޮންމެ ހުކުރު ދުވަހެއްގައި މާލެއާއި ވިލިމާލެއާ ދެމެދު އިތުރު ފެރީއެއް ބާއްވަން މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އިން ނިންމައިފިއެވެ.
އެ ކުންފުނިން ބުނީ މި ފެރީ އޮންނާނީ ކޮންމެ ހުކުރު ދުވަހެއްގެ މެންދުރު 1:10 ގައި ކަމަށެވެ. އަދި މިއީ އޯލެވެލް އިމްތިހާނަށް މާލެއަށް އަންނަ ދަރިވަރުންނަށް ޚާއްސަކޮށްގެން ބާއްވާ ފެރީއެއް ކަމަށެވެ.
އެމްޓީސީސީން ބުނީ މި ފެރީގެ ސަބަބުން ހުކުރު ދުވަހު އިމްތިހާނަށް މާލެއަށް އަންނަ ދަރިވަރުންނަށް އިތުރު ލުޔެއް ލިބޭނެ ކަމަށެވެ.
ރާއްޖޭގައި އޯލެވެލް އިމްތިހާނު ފަށާފައިވަނީ މެއި މަހުގެ 6 ވަނަ ދުވަހުއެވެ. މި އިމްތިހާނު ޖޫން މަހުގެ 24 ވަނަ ދުވަހުގެ ނިޔަލަށް ކުރިއަށްދާނެއެވެ. އެ މުއްދަތާ ހަމައަށް އެމްޓީސީސީން މި އިތުރުކުރި ފެރީގެ ޚިދުމަތް ދޭނެކަމަށް ވަނީ ބުނެފައެވެ.
އެމްޓީސީސީން އާއްމުކޮށް ހުކުރު ދުވަހު މާލެ އާއި ވިލިމާލެއާ ދެމެދު ފެރީ ދަތުރުތައް ފަށަނީ މެންދުރު 1:30ގެ ފަހުންނެވެ.
