ބުދަ ދުވަހުގެ ރޭ ހުޅުމާލޭގައި ހިންގި 2 މާރާމާރީއާ ގުޅިގެން ފަސް މީހަކު ހައްޔަރުކޮށްފިއެވެ.
ފުލުހުން ބުނީ ތުހުމަތުކުރެވޭ މިމީހުން ހައްޔަރުކުރީ ފޭސް ދޭކުންކަމަށެވެ. ހުޅުމާލޭގައި ހިންގި 2 މާރާމާރީއެއްގައި 2 މީހަކަށް ވަނީ އަނިޔާވެފައެވެ.
ފުލުހުން ބުނީ 2 މާރާމާރީގެ މައުލޫމާތު ވެސް ފުލުހުންނަށް ލިބިފައިވާ ކަމަށެވެ. އެގޮތުން ފުރަތަމަ މާރާމާރީ ހިންގާފައިވަނީ ހުޅުމާލޭ ފޭސް 1ގައި ހުންނަ ލަޔަރ ރެސްޓޯރެންޓް ކައިރިންކަމަށާއި, އަދި މި މާރާމާރީގެ މައުލޫމާތު ފުލުހުންނަށް ލިބިފައިވަނީ ބުދަ ދުވަހުގެ ރޭ 9:17ހާއިރު ކަމަށެވެ.
އަދި ދެވަނަ މާރާމާރީ ހިންގާފައިވަނީ ފޭސް 2ގެ ބުރިޖު ކައިރީގައި ކަމަށާއި, މި މާރާމާރީގެ މައުލޫމާތު ފުލުހުންނަށް ލިބިފައިވަނީ ބުދަ ދުވަހުގެ ރޭ 9:32ހާއިރު ކަމަށެވެ.
