ހުޅުމާލޭގައި ހިންގި 2 މާރާމާރީއެއްގައި 2 މީހަކަށް އަނިޔާވެއްޖެ
4 މެއި 2022 | ބުދަ 18:062 މާރާމާރީ ހިންގާފައިވަނީ ވަރަށް ގާތްގާތުގައި
ހުޅުމާލެ ދެވަނަ ފިޔަވަހި - ދެވަނަ ފޭސްއަށް އަރާ ބްރިޖް ކައިރިންވެސް މާރާމާރީ ހިންގާފައިވޭ
ބުދަ ދުވަހުގެ ރޭ ހުޅުމާލޭގައި ހިންގި 2 މާރާމާރީއެއްގައި 2 މީހަކަށް އަނިޔާވެއްޖެއެވެ.
ފުލުހުން ބުނީ 2 މާރާމާރީގެ މައުލޫމާތު ވެސް ފުލުހުންނަށް ލިބިފައިވާ ކަމަށެވެ. އެގޮތުން ފުރަތަމަ މާރާމާރީ ހިނގާފައިވަނީ ހުޅުމާލޭ ފޭސް 1ގެ ލަޔަރ ރެސްޓޯރެންޓް ކައިރިންކަމަށާއި, އަދި މި މާރާމާރީގެ މައުލޫމާތު ފުލުހުންނަށް ލިބިފައިވަނީ ބުދަ ދުވަހުގެ ރޭ 9:17ހާއިރު ކަމަށެވެ.
އަދި ދެވަނަ މާރާމާރީ ހިނގާފައިވަނީ ފޭސް 2ގެ ބުރިޖު ކައިރީގައި ކަމަށާއި, މި މާރާމާރީގެ މައުލޫމާތު ފުލުހުންނަށް ލިބިފައިވަނީ ބުދަ ދުވަހުގެ ރޭ 9:32ހާއިރު ކަމަށް ފުލުހުން ބުނެއެވެ.
ފުލުހުން ބުނީ މި މާރާމާރީގައި 2 މީހަކަށް 2 މީހަކަށް އަނިޔާވެފައިވާ ކަމަށާއި, އަދި އެ ދެ މީހުންނަށް ހޮސްޕިޓަލުގައި ފަރުވާ ދެމުން އަންނަ ކަމަށެވެ.
މި 2 މާރާމާރީގެ މައްސަލަ ފުލުހުން ދަނީ ތަހުގީގު ކުރަމުންނެވެ.
