ބޯކޮށް ވާރޭވެހޭނެކަމަށް ލަފާކޮށް ށ އަތޮޅުން ފެށިގެން އައްޑޫ ސިޓީއަށް ވައިޓް އެލަރޓް ނެރެފި
އަންގާރަ ދުވަހުގެ ރޭ 23:30ން ފެށިގެން މެންދަމު 3:30އާ ހަމައަށް އެސަރަހައްދަށް ވަނީ ވައިޓް އެލަރޓް ނެރެފައި
މާލެ އަށް ބޯކޮށް ވާރޭވެހެމުންދިޔަ ދުވަހެއް
ބޯކޮށް ވާރޭވެހި ގުގުރާނެކަމަށް ލަފާކޮށް ށ އަތޮޅުން ފެށިގެން އައްޑޫ ސިޓީއަށް ވައިޓް އެލަރޓް ނެރެފިއެވެ.
މޫސުމާއި ބެހޭ ގައުމީ އިދާރާއިން ބުނީ އަންގާރަ ދުވަހުގެ ރޭ 23:30ން ފެށިގެން މެންދަމު 3:30އާ ހަމައަށް އެސަރަހައްދަށް ވައިޓް އެލަރޓް ނެރޭކަމަށެވެ. މިވަގުތުތަކުގައި ގަޑިއަކު 22 މޭލާއި 27 މޭލާ ދެމެދުގެ ބާރު މިނުގައި ވައިޖެހި ވިލާގަނޑުގައި ގަޑިއަކު 45 މޭލަށް ވައިގަދަވާނެކަމަށްކަމަށް މެޓް އޮފީހުން ބުނެއެވެ. މީގެއިތުރުން ކަނޑުތައް ގަދަވާނެކަމަށް ލަފާކުރެވޭކަމަށް މެޓް އޮފީހުން ބުނެއެވެ.
މީގެއިތުރުން ބުދަ ދުވަހުގެ ހެނދުނު 6 ޖެހުމާ ހަމައަށް ރާއްޖޭގެ އެކި ހިސާބުތަކަށް ގުގުރުމާއެކު ވިއްސާރަކުރާނެކަމަށް މެޓް އޮފީހުން ބުނެއެވެ. އަދި މެދުރާއްޖެތެރެ އާއި ދެކުނުގެ ބައެއް ރަށްތަކަށް ބޯކޮށް ވާރޭވެހުން އެކަށީގެންވާކަމަށް މެޓް އޮފީހުން ބުނެއެވެ. މީގެއިތުރުން ރާއްޖޭގެ ކަނޑުތައް ދެކުނާއި މެދު ރާއްޖެތެރޭގައި ގަދަވާނެކަމަށާއި އުތުރުގައި އާދައިގެ ވަރަކަށް ގަދަވާނެކަމަށް މެޓް އޮފީހުން ބުނެއެވެ.
