މުލާގެ ކޮންޓްރެކްޓް ދިގުދައްމާލައިފި
ބަޔާންގެ ކީޕަރު މެނުއެލް ނޯޔާގެ ކޮންޓްރެކްޓްވެސް ވަރަށް އަވަހަށް އައުކުރާނެ - ފަބްރީޒިއޯ
ތޯމަސް މުލާ ބާޔާންއާއެކު ހަދާފައިވާ އެއްބަސްވުމުގެ މުއްދަތު އިތުރުކުރުން
ޖަރުމަނުގެ ބަޔާން މިއުނިކަށް ކުޅެމުން އަންނަ ތޯމަސް މުލާގެ ކޮންޓްރެކްޓް ދިގުދައްމާލައިފިއެވެ.
މުލާގެ ކޮންޓްރެކްޓް ދިގުދައްމާލާފައިވަނީ 2024 ވަނަ އަހަރުގެ ޖޫން މަހުގެ ނިޔަލަށެވެ. އުމުރުން 32 އަހަރުގެ މުލާއާއެކު ބަޔާންއިން އެންމެ ފަހުން ހަދާފައިވާ އެއްބަސްވުމުގެ މުއްދަތު ހަމަވާނީ ކުރިއަށް އޮތް ސަމަރ ޓްރާންސްފަރަށެވެ.
ކޮންޓްރެކްޓްގެ މުއްދަތު އިތުރު ކުރުމަށްފަހު މުލާ ބުނީ 2024 އާއި ހަމައަށް ކޮންޓްރެކްޓް އައުކުރެވުމުން ވަރަށް އުފާވާ ކަމަށެވެ. އަދި 2000 ވަނަ އަހަރުން ފެށިގެން ބަޔާންއަށް ކުޅެމުންއައި ދުވަސްތަކަކީ ވަރަށްވެސް ހިތްގައިމު ދުވަސްތަކެއްގެ ގޮތުގައި މުލާ ފާހަގަކުރިއެވެ.
މުލާގެ ކޮންޓްރެކްޓް އައުކުރިއިރު، މިހާރު އެންމެ ބޮޑު ސުވާލެއް އުފެދިފައި ވަނީ ޓީމުގެ ތަރި ރޮބަޓް ލެވަންޑޯސްކީގެ ކުރިމަގާއި މެދުއެވެ. ލެވަންޑޯސްކީއާއެކު ބަޔާންއިން ހަދާފައިވާ އެއްބަސްވުމުގެ މުއްދަތު ހަމަވާނީ 2023 ވަނަ އަހަރުގެ ޖޫންމަހުގައެވެ. ލެވާންޑޯސްކީ ހޯދުމަށްޓަކައި މިހާރުވެސް ގިނަ ކްލަބުތަކުން މަސައްކަތް ކުރަމުން އަންނައިރު، އޭގެ ތެރޭގައި ސްޕެއިންގެ ބާސެލޯނާވެސް ހިމެނެއެވެ. ބަޔާންގެ ކޯޗު ހޫލިއަން ނާގެލްސްމަންވެސް ވަނީ ލެވަންޑޯސްކީ ޓީމުގައި ބެހެއްޓުމަށް ބޭނުންވާކަމަށް އެތައް ފަހަރަކު ބުނެފައެވެ.
މުލާގެ ކޮންޓްރެކްޓް އައުކުރިކަން ހާމަކޮށް އިތުބާރު ހުރި ކުޅިވަރު ނޫސްވެރިޔާ ފަބްރީޒިއޯ ރޮމާނޯ ކުރި ޕޯސްޓެއްގައި ބުނީ ބަޔާންގެ ކީޕަރު މެނުއެލް ނޯޔާގެ ކޮންޓްރެކްޓްވެސް ވަރަށް އަވަހަށް އައުކުރާނެ ކަމަށެވެ.
