އިތުބާރު ހިފޭ މަގާމެއްގައި ހުރި މީހަކު ކުޑަކުއްޖަކަށް ޖިންސީ ގޯނާ ކުރިކަމުގެ މައްސަލައެއް ފުލުހުންނަށް ހުށަހަޅައިފިއެވެ.
ފުލުހުން ބުނީ ނޯތު ޕޮލިސް ރީޖަނުގައި ހިމެނޭ ރަށެއްގައި 18 އަހަރުން ދަށުގެ ކުޑަ އަންހެން ކުއްޖަކަށް އިތުބާރު ކުރެވޭ މަގާމެއްގައި ހުރި 40 އަހަރުގެ ފިރިހެނަކު ޖިންސީ ގޯނާ ކުރި މައްސަލައެއް އޭޕްރީލް 30 ވަނަ ދުވަހު ފުލުހުންނަށް ހުށަހަޅާފައިވާކަމަށެވެ.
މި މައްސަލައާއި ގުޅިގެން ކޯޓު އަމުރުގެ ދަށުން 40 އަހަރުގެ ފިރިހެނަކު ހޯމަ ދުވަހު ހައްޔަރުކޮށްފައިވާކަމަށް ފުލުހުން ބުނެއެވެ. އެމީހާގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން ޝަރީއަތް ނިމެންދެން ބަންދުކުރަން އަމުރުކޮށްފައިވާކަމަށް ފުލުހުން ބުނެއެވެ.
މި މައްސަލަ ފުލުހުންނާއި ޖެންޑަރ މިނިސްޓްރީން ގުޅިގެން ގެންދަނީ ތަހުގީގުކުރަމުންނެވެ.
ފުލުހުންގެ ނޯތު ޕޮލިސް ރީޖަނުގައި ހިމެނެނީ ނ، ރ، ބ އަދި ޅ އަތޮޅެވެ.
