ފުވައްމުލައް ސިޓީގައި ޑައިވިން އަށް ފޭބި މީހަކު ޚަބަރެއް ނުވެގެން ހޯދަނީ
ގެއްލިގެން ހޯދަމުންދަނީ ދިވެހި ފިރިހެނެއް
ފުވައްމުލައް ސިޓީ
ޏ. ފުވައްމުލަކު ނެރުކައިރިއަށް ޑައިވިންއަށް ފޭބި މީހެއްގެ ޚަބަރެއް ނުވެގެން ހޯދަން ފަށައިފިއެވެ.
އެމްއެންޑީއެފުން ބުނީ އެމީހާ ހޯދުމުގެ މަސައްކަތް އެމްއެންޑީއެފް ސަދަން އޭރިއާ ކޮމާންޑު ކޯސްޓް ގާޑު ސްކޮޑްރަން އިން ފަށާފައިވާ ކަމަށެވެ. ގެއްލިގެން ހޯދަމުންދަނީ ދިވެހި ފިރިހެނެކެވެ. މި މީހާ ގެއްލިގެން ރިޕޯޓްކޮށްފައިވަނީ ހޯމަ ދުވަހު މެންދުރު ފަހު 15:45 ހާއިރުއެވެ. މިމީހާ ލައިގެން ހުރީ ކަޅުކުލައިގެ ޑައިވިންގ ސޫޓެއްކަމަށް އެމްއެންޑީއެފުން ބުނެއެވެ.
"ރާއްޖެއެމްވީ" އަށް މައުލޫމާތު ލިބިފައިވާ ގޮތުގައި ޑައިވިން އަށް ދިޔައީ ދެ މީހުންނެވެ. އެތަނުން އެކަކު ފެނިފައިވާއިރު އެމީހާގެ ހާލު ސީރިއަސްއެވެ. ގެއްލިގެން ހޯދަމުންދާ މީހާ އަކީ ފުވައްމުލަކު ގެސްޓް ހައުސް އެއްގައި މަސައްކަތްކުރާ ޑައިވިންގ މާސްޓަރއެކެވެ. މިމީހާއަކީ ފުވައްމުލައް ސިޓީއަށް ނިސްބަތްވާ މީހެކެވެ.
