ވިލިމާލެ ޑަބްލިޔުޑީސީ ގެ ބައި އިލެކްޝަންގައި ވާދަކުރާ ކެންޑިޑޭޓުންގެ ނަން ތަރުތީބުކޮށްފި
17 އެޕްރީލު 2022 | އާދީއްތަ 01:55ކެންޑިޑޭޓް ނަންބަރު އެކެއް ލިބިފައިވަނީ ޕީޕީއެމް ކެންޑިޑޭޓް ފާތިމަތު ނާޒިމް އަށް
އިލެކްޝަން ކޮމިޝަން
ވިލިމާލެ ދާއިރާ އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ ބައި އިލެކްޝަންގައި ވާދަކުރާ ކެންޑިޑޭޓުންގެ ނަންތައް ތަރުތީބުކޮށްފިއެވެ.
ނަން ތަރުތީބުކޮށްފައިވަނީ އޭޕްރީލް 16 ވަނަ ދުވަހުއެވެ. ބައި އިލެކްޝަންގައި ވާދަކުރަނީ ޕީޕީއެމް އާއި އެމްއެންޕީގެ ދެކެންޑިޑޭޓުންނެވެ. ކެންޑިޑޭޓް ނަންބަރު އެކެއް ލިބިފައިވަނީ ޕީޕީއެމް ކެންޑިޑޭޓް ފާތިމަތު ނާޒިމް އަށެވެ. ކެންޑިޑޭޓް ނަންބަރު ދޭއް ލިބިފައިވަނީ އެމްއެންޕީގެ ކެންޑިޑޭޓް އާމިނަތު ޝީޒާއަށެވެ.
ވިލިމާލެ ދާއިރާގެ އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ ބައި އިލެކްޝަންގައި ބައިވެރިވުމަށް ހުޅުވާލި މުއްދަތުގައި ފޯމު ހުށަހަޅާފައިވަނީ ޕީޕީއެމްއާއި އެމްއެންޕީއިންނެވެ. އެމްޑީޕީއިން ފޯމު ހުށަހަޅާފައިވަނީ ސުންގަޑި ހަމަވިފަހުންނެވެ.
ވިލިމާލެ ދާއިރާ އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ މެންބަރު ހޮވުމަށް ބާއްވާ ބައި-އިލެކްޝަން ބޭއްވުމަށް ހަމަޖެހިފައިވަނީ މޭ 16 ވާ ހޯމަ ދުވަހުއެވެ. އެގޮނޑި ހުސްވެފައިވަނީ ހުޅުމާލޭގައި ހިނގި ނުރައްކާތެރި އެކްސިޑެންޓެއްގައި ކޮމިޓީގެ މެމްބަރު، އުމުރުން 29 އަހަރުގެ އައިމިނަތު އީމާން ނިޔާވުމާއި ގުޅިގެންނެވެ.
