ރަމަޟާން ކްރިކެޓް ކާނިވަލްގައި ހިމެނޭ އޯޕަން ޓޭޕްބޯލް މުބާރާތުގެ ފައިނަލުން މޯލްޑިވްސް އެއާޕޯޓްސް ކޮމްޕެނީ (އެމްއޭސީއެލް) އާއި އެވިއާ މޯލްޑިވްސް ޖާގަ ހޯދައިފިއެވެ.

އެމްއޭސީއެލް ފައިނަލުން ޖާގަހޯދީ ސެމީފައިނަލްގައި ހަ ވިކެޓުން ސަންކުއިކް ލިލީ ބަލިކޮށްގެންނެވެ. މެޗުގައި ސަންކުއިކް ލިލީ ފުރަތަމަ ކުޅެން އަރާ އަށް އޯވަރުގެ ތެރޭގައި ހަތް ކުޅުންތެރިން ނުބައިވެގެން ހެދުނީ 108 ލަނޑެވެ. އެމްއޭސީއެލްއިން ވަނީ 6.4 އޯވަރުގެ ތެރޭގައި އެންމެ ކުޅުންތެރިއަކު ނުބައިވެގެން 112 ލަނޑު ހަދާ ފައިނަލްގެ ޖާގަ ހޯދާފައެވެ.

ފައިނަލްގެ ދެވަނަ ޖާގަ އެވިއާ މޯލްޑިވްސްއިން ހޯދީ ސެމީފައިނަލްގައި އެއާޕޯޓް ރެކްރިއޭޝަން ކްލަބު 15 ލަނޑުން ބަލިކޮށްގެންނެވެ. އެއާޕޯޓް ރެކްރިއޭޝަން ކްލަބަށް އަށް އޯވަރުގެ ތެރޭގައި ހަ ކުޅުންތެރިން ނުބައިވެގެން ހެދުނީ 154 ލަނޑެވެ. އެވިއާ މޯލްޑިވްސްއިން ވަނީ އަށް އޯވަރުގެ ތެރޭގައި 2 ކުޅުންތެރިން ނުބައިވެގެން 169 ލަނޑު ހަދާފައެވެ.

އެމްއޭސީއެލްއާއި އެވިއާ މޯލްޑިވްސް ވާދަކުރާ ފައިނަލް މެޗު ކުޅޭނީ ހުކުރު ދުވަހު ހަވީރުއެވެ. މެޗު ފަށާނީ 16:30 ގައެވެ.