ނެގޯސިއޭޝަން ޓެކްނިކްސް އަދި އެއްބަސްވުންތަކުގައި ސޮއިކުރުމުގެ ޕްރޮޓޮކޯލްއާ ގުޅޭ ތަމްރީން ސެޝަނެއް ބާއްވައިފި
މި ސެޝަންއަކީ ފޮސިމްގެ ސްޓޭކް ހޮލްޑަރ އެވެއާނެސް ޕްރޮގްރާމްގެ ދަށުން ހިންގުނު ސެޝަނެއް
ނެގޯސިއޭޝަން ޓެކްނިކްސް އަދި އެއްބަސްވުންތަކުގައި ސޮއިކުރުމުގެ ޕްރޮޓޮކޯލްއާ ގުޅޭ ތަމްރީން ސެޝަން
އެއްބަސްވުންތައް ޤާއިމްކުރުމުގެ ނެގޯސިއޭޝަން ޓެކްނިކްސް އަދި އެއްބަސްވުންތަކުގައި ސޮއިކުރުމުގެ ޕްރޮޓޮކޯލް އާއި ގުޅޭ ތަމްރީން ސެޝަނެއް ފޮރިން ސަރވިސް އިންސްޓިޓިއުޓް އޮފް މޯލްޑިވްސް (ފޮސިމް) އިން ބާއްވައިފިއެވެ.
މިނިސްޓްރީ އޮފް ފިނޭންސް، މިނިސްޓްރީ އޮފް ނޭޝަނަލް ޕްލޭނިންގ އަދި މޯލްޑިވްސް ޕޮލިސް ސަރވިސްގެ ފަރާތުން ބައިވެރިވި މި ސެޝަންގައި، އެއްބަސްވުމެއް އެކުލަވާލުމުގައި ނެގޯޝިއޭޓްކުރުމުގެ ޕްރޮސެސް އޮންނަ ގޮތާއި، އަދި އެއްބަސްވުމެއްގައި ސޮއިކުރުމާއި ހަމަޔަށް އޮންނަ މަރުޙަލާތަކުގައި އަމަލުކުރާ ޕްރޮޓޮކޯލް އާއި ގުޅޭ ގޮތުން ބައިވެރިންނަށް މައުލޫމާތު އެރުވުނެވެ.
ފޮރިން މިނިސްޓްރީގައި ފޮސިމްއިން ކުރިއަށްގެންދިޔަ މި ސެޝަނަކީ ފޮސިމްގެ ސްޓޭކް ހޮލްޑަރ އެވެއާނެސް ޕްރޮގްރާމްގެ ދަށުން ހިންގުނު ސެޝަންއެކެވެ. ސްޓޭކްހޮލްޑަރ އެވެއާނެސް ޕްރޮގްރާމަކީ ފޮރިން މިނިސްޓްރީއަށް ތަޖުރިބާއާއި ކަމާއި ގުޅުން ހުރި ދާއިރާތަކުން ލިބިފައިވާ ހުނަރުތައް ދައުލަތުގެ އެހެން މިނިސްޓްރީތަކާއި އަދި އިދާރާތަކާއި ހިއްސާކުރުމަށް ކުރިއަށްގެންދާ ޕްރޮގްރާމެކެވެ.
މި ސެޝަން ނަންގަވައިދެއްވީ ޗީފް އޮފް ޕްރޮޓޮކޯލް އައިޝަތު ޝާން ޝާކިރު، އެޑިޝަނަލް ސެކްރެޓަރީ އަހުމަދު ޝިއާން އަދި ލީގަލް ކައުންސެލް މުހައްމަދު އަސީލް ހަސަންއެވެ.
