މިހާތަނަށް 20،000ށްވުރެ ގިނަ ޓެޑީ ބެއަރ އެއްކޮށްފައިވޭ
ހަންގޭރީގެ ޓެޑީ ބެއަރ މާމާ
ހަންގޭރީގެ އަންހެނަކު ޓެޑީ ބެއަރ އެއްކުރާތާ 40 އަހަރަށްވުރެން ގިނަ ދުވަސްވެއްޖެއެވެ.
ވެލެރިއާ ޝްމިޓް ނަމަކަށް ކިޔާ މި އަންހެން މީހާ ވަނީ މިހާތަނަށް 20،000ށްވުރެ ގިނަ ޓެޑީ ބެއަރ އެއްކޮށްފައެވެ. އަދި ޕްލާސްޓިކް ކޮތަޅުތަކުގައި ވަނީ ބަންދުކޮށްފައެވެ.
ޓެޑީ ބެއަރ މާމާގެ ނަމުން އޭނާއާ ބައެއް މީހުން މުހާތަބުކުރެއެވެ. މި އަންހެން މީހާ ވަނީ ހަންގޭރީގެ ރިކޯޑް މުގުރާލާފައެވެ.
ވެލެރިއާ ޓެޑީ ބެއަރތަކުގެ އެގްޒިބިޝަންތައް ވެސް ކުރިއަށް ގެންދެއެވެ. އެގޮތުން އޭނާ ބުނީ އެ އެގްޒިބިޝަނަށް އަންނަ ކުދިންގެ ހިނިތުންވުން ފެނުމުން އުފާވާ ކަމަށެވެ.
ވެލެރީ ބުނީ އޭނާ ބޮޑުވަމުން އައިރު، ހޭދަކުރީ ވަރަށް އުނދަގޫ ދުވަސްތަކެއް ކަމަށެވެ. ނަމަވެސް ދިމާވި ވަކިކަންތައްތަކެއް އޭނާ ހިއްސާކޮށްފައެއް ނުވެއެވެ. އޭނާއަށް ލިބޭ ވަގުތުތަކުގއި ކުޑަކުދިންނަށް އެކި ހަރަކާތްތައް ރާވާ، ޓެޑީ ބެއަރތަކާއެކު ކުޅެވޭނެ ގޮތެއް މަގުފަހި ކޮށްދިނުމަކީ އޭނާ ވަރަށް ކުރާ ހިތްވާކަމެކެވެ.
