އެއަޕޯރޓް ރެކްރިއޭޝަން ކްލަބް ތިންވަނަ މެޗުންވެސް މޮޅު

ރަމަޟާން ކްރިކެޓް ކާނިވަލްގެ އޯޕަންޓޭޕްބޯލް މުބާރާތުގައި އެއަޕޯރޓް ރެކްރިއޭޝަން ކްލަބް ކުޅުނު ތިންވަނަ މެޗުވެސް ކާމިޔާބުކޮށްފިއެވެ. ތިންވަނަ މެޗު އެއަޕޯރޓް ރެކްރިއޭޝަން ކްލަބް ކާމިޔާބުކުރީ މެރީ ކޯނާއާ ވާދަކޮށް 26 ލަނޑުންނެވެ.

މެޗުގައި އެއަޕޯރޓް ރެކްރިއޭޝަން ކްލަބުން ވަނީ 8 އޯވަރުގެ ތެރޭގައި 4 ކުޅުންތެރިން ނުބައިވެގެން 128 ލަނޑު ހަދާފައެވެ. މެރީ ކޯނާއަށް 8 އޯވަރުގެ ތެރޭގައި 5 ކުޅުންތެރިން ނުބައިވެގެން ހެދުނީ 102 ލަނޑެވެ. އެއަޕޯރޓް ރެކްރިއޭޝަން ކްލަބް އަތުން ކުރިން ބަލިވެފައިވާ ދިވެހި ސިފައިންގެ ކްލަބް ވަނީ ދެވަނަ މެޗުގައި ގަލޮޅު ކަންމަތި ބަނަފްސާ އާއި ވާދަކޮށް 32 ލަނޑުން މެޗު ކާމިޔާބުކޮށްފައެވެ.

ސިފައިންގެ ކްލަބް ވަނީ 8 އޯވަރުގެ ތެރޭގައި 3 ކުޅުންތެރިން ނުބައިވެހެން 135 ލަނޑު ހަދާފައެވެ. ގަލޮޅު ކަންމައްޗަށް 8 އޯވަރުގެ ތެރޭގައި 3 ކުޅުންތެރިން ނުބައިވެގެން ހެދުނީ 103 ލަނޑެވެ.