ރަމަޟާން ކްރިކެޓް ކާނިވަލްގައި އެއަޕޯރޓް ރެކްރިއޭޝަން ކްލަބުން ކުޅުނު ދެވަނަ މެޗުވެސް ކާމިޔާބުކޮށްފިއެވެ. އެއަޕޯރޓް ރެކްރިއޭޝަން ކްލަބް ދެވަނަ މެޗު ހަނިގޮތަކަށް ކާމިޔާބުކުރީ އެވިއާ މޯލްޑިވްސްއާ ވާދަކޮށް 1 ވިކެޓުންނެވެ.

މެޗުގައި އެވިއާ މޯލްޑިވްސް ކުޅެން އަރާ 8 އޯވަރު ހަމަވިއިރު 8 ކުޅުންތެރިން ނުބައިވެގެން ހެދުނީ 128 ލަނޑެވެ. އެއަޕޯރޓް ރެކްރިއޭޝަން ކްލަބުން މެޗު ކާމިޔާބުކުރީ 8 ވަނަ އޯވަރުގައި 7 ކުޅުންތެރިން ނުބައިވެގެން 130 ލަނޑު ހަދައިގެންނެެވެ.

މިއަދު ދެން މެޗު ކާމިޔާބުކުރީ ގަލޮޅު ކަންމަތި ބަނަފްސާއެވެ. އެޓީމްގެ ފުރަތަމަ މެޗު ކާމިޔާބުކުރީ މެރީ ކޯނާއާއި ވާދަކޮށް 28 ލަނޑުންނެވެ. މެޗުގައި ގަލޮޅު ކަންމަތި ބަނަފްސާ ކުޅެންއަރާ 8 އޯވަރުގެ ތެރޭގައި 7 ކުޅުންތެރިން ނުބައިވިއިރު 143 ލަނޑު ހެދިއެވެ. މެރީ ކޯނާއިން 8 އޯވަރުގެ ތެރޭގައި 3 ކުޅުންތެރިން ނުބައިވެގެން ހެދުނީ 115 ލަނޑެވެ.