ފުޓްބޯޅައިގެ ހުރިހާ ހަރަކާތްތަކުން ސަސްޕެންޑްކޮށް, ބޮޑު ޖޫރިމަނާއެއްވެސް ކުރިމަތިވެފައިވާ ނިއުރޭޑިއަންޓްގެ ނަން ދިރުވަން އުފެއްދި ރޭޑިއަންޓްގެ ކޯޗިންގ ޓީމަށް ނިއުރޭޑިއަންޓްގެ ލެޖެންޑުން އައްޔަންކޮށްފިއެވެ.
ތިންވަނަ ޑިވިޝަންގައި ވާދަކުރަން ތައްޔާރުވަމުން އަންނަ ރޭޑިއަންޓްގެ ކޯޗަކަށް ހަމަޖެއްސީ ނިއުރޭޑިއަންޓާއެކު ގިނަ ކާމިޔާބީތަކެއް ހޯދި ސޮބާހު މުޙައްމަދެވެ. ނިއުރޭޑިއަންޓް ހާލުގައި ޖެހުނުއިރު ކޯޗެއްގެ ގޮތުންވެސް މަސައްކަތްކުރި ކުރީގެ ޤައުމީ ޑިފެންޑަރު މިއަދު ވަނީ ރޭޑިއަންޓްގެ ކޯޗުކަމާއި ހަވާލުވެފައެވެ. ސޮބާ ވަނީ ވިކްޓްރީ އުނދަގޫ ހާލަތުގައި އޮތްއިރު އެކްލަބަށްވެސް އިރުޝާދުދީފައެވެ. އަދި ގްރީން ސްޓްރީޓްސްއާއެކު ފުރަތަމަ ޑިވިޝަންގައިވެސް ރަނގަޅު މަސައްކަތްތަކެއް ކުރިއެވެ.
ސޮބާގެ އެސިސްޓެންޓަކަށް ހަމަޖެއްސީ ނިއުރޭޑިއަންޓްގެ ކެޕްޓަންކަންކޮށް ކްލަބާއެކު ގިނަ ކާމިޔާބީތަކެއް ހޯދި މިޑްފީލްޑަރ އަހުމަދު މުޙައްމަދު (އައްމަޑޭ) އެވެ. އޭނާ ކޯޗިންގ ޓީމާއި ގުޅުނީ ކުޅުންތެރިއްގެވެސް ގޮތުގައެވެ. ސޮބާއާއި އައްމަޑޭއަކީ އެކުގައިވެސް ނިއުރޭޑިއަންޓަށް ކުޅުނު ދެ ކުޅުންތެރިންނެވެ. ނިއުރޭޑިއަންޓް އޭއެފްސީކަޕް ސެމީފައިނަލަސް ދަތުރުކުރި ދެ ކުޅުންތެރިންވެސް މުހިއްމު ދައުރެއް އަދާކުރިއެވެ.
ރޭޑިއަންޓަކީ ނިއުރޭޑިއަންޓްގެ ނުލާއި ހުދު ދިރުވާ ސަޕޯޓަރުންނަށް ނިއުރޭޑިއަންޓްގެ އިހުސާސްކޮށްދިނުމަށް އުފެއްދި ކްލަބެކެވެ. އެކްލަބުން ފުރަތަމަ ޖެހޭނީ ތިންވަނަ ޑިވިޝަންގައި ވާދަކުރާށެވެ.
