ޝަކްތަރގެ ވިނީޝިއަސް ޓޯބިއަސް ރެއާލްއަށް
2 އެޕްރީލު 2022 | ހޮނިހިރު 12:01ރެއާލް އިން ބޭނުން ނަމަ މި ސީޒަން ނިންމާފައި ވިނީޝިއަސް އެޓީމުގައި ބެހެއްޓޭނެ
ރެއާލް މެޑްރިޑް އާއި ގުޅުނު ބްރެޒިލްގެ ވިނީޝިއަސް ޓޯބިއާސް
ޔޫކްރެއިންގެ ޝަކްތަރ ޑޮނެސްކްއަށް ކުޅެމުން އަންނަ ބްރެޒިލްގެ ވިނީޝިއަސް ޓޯބިއާސް ރެއާލް މެޑްރިޑްއަށް ބަދަލުވެއްޖެއެވެ.
ފުލް ބެކްއަކަށް ކުޅެމުން އަންނަ އުމުރުން 18 އަހަރުގެ ވިނީޝިއަސް ރެއާލްއަށް ބަދަލުވީ މި ސީޒަން ނިމެންދެކަށް ލޯނު އުސޫލުންނެވެ. ވިނީޝިއަސް، ޝަކްތަރ އާއި ގުޅުނީ މިއަހަރުގެ ޖެނުއަރީ މަހުއެވެ. ޝަކްތަރ އިން މިހާރު ވަނީ ލޯނު އުސޫލުން ވިނީޝިއަސް ރެއާލްއަށް ދޫކޮށްފައިކަން ރަސްމީކޮށް އަންގާފައެވެ.
ރެއާލް އިން ބޭނުން ނަމަ މި ސީޒަން ނިންމާފައި ވިނީޝިއަސް އެޓީމުގައި ބެހެއްޓޭނެއެވެ. އެކަމަކު ޓީމުން އެކަމަށް ގޮތެއް ނިންމާނީ މި ސީޒަންގައި އޭނާގެ ކުޅުމަށް ބެލުމަށްފަހުއެވެ. މިވަގުތު ރެއާލްއަށްވެސް ފުލް ބެކްއެއްގެ މުހިންމުކަން ބޮޑެވެ. މީގެ ކުރިންވެސް ރެއާލްގައި ވަނީ ބްރެޒިލްގެ މޮޅެތި ޑިފެންޑަރުންތަކެއް ވިދާލާފައެވެ. އޭގެތެރޭގައި ރޮބާޓޯ ކާލޯށް އާއި މާސެލޯ ފަދަ ކުޅުންތެރިން ހިމެނެއެވެ.
