ކ. މާލެ
|
30 މާރޗް 2022 | ބުދަ 14:28
ބީ ފާމުގައި ޝާނީ މަސައްކަތް ކުރަނީ
ބީ ފާމުގައި ޝާނީ މަސައްކަތް ކުރަނީ
ރޮއިޓާރސް
ބީ ފާމެއް ހުޅުވުން
"ބީ ފާމެއް ހުޅުވީ ގިނަ އުންމީދުތަކާއެކު"
 
މި ދާއިރާގައި އުޅޭ ފިރިހެނުން އަހަރެން އެހާ ސީރިއަސްކޮށް ނުނަގާ، ބައެއް މީހުން ހީވެސް ހެދި

މަރިޔަމް ޝާނީ ތެލުގެ ދާއިރާގައި އަދާކުރީ ވަޒީފާ ދޫކޮށްލީ ބީ ފާމެއް ހުޅުވާ އަންހެނުންނަށް ވެސް މިފަދަ މަސައްކަތެއް ކުރެވިދާނެކަން އަންގައިދިނުމަށެވެ.

ޓިއުނީޝިއާގެ ސިޓީއެއް ކަމަށްވާ މަނޫބާ ގައި މިފާމް ހުޅުވާފައިވަނީ 2016 ވަނަ އަހަރުއެވެ.

ޝާނީ މިތަން ހުޅުވީ މިދާއިރާގެ މަސައްކަތްތައް ދަސްކުރަން ބޭނުންވާ އަންހެނުންނަށާއި އަންހެނުންނަށް ރައްކާތެރި މާހައުލެއްގައި މަސައްކަތް ކުރުމަށް މަގުފަހި ކޮށްދިނުމަށެވެ. އަދި މި ދާއިރާއިން ކުރިޔަށް ދިޔުމުގެ ވެސް އަޒުމުގައެވެ.

ޓިއުނީޝިއާގެ އެގްރިކަލްޗަރަލް އިންޖީނިއަރެއް ކަމުގައިވާ ސޮއޫދު މަހްމޫދު ބުނީ އެ ޤައުމުގައި މި ދާއިރާގައި ހަރަކާތްތެރިވަނީ ހަމައެކަނި އެންމެ ހަތަރު އިންސައްތަ އަންހެނުން ކަމަށެވެ. އެގްރިކަލްޗަރަލް ޕްރޮޖެކްޓުތަކުގައި މަސައްކަތް ކުރާ އަންހެނުން މަދުވަނީ އެމީހުންގެ އަމިއްލަ ބިންތައް ނެތުމުގެ ސަބަބުން ކަމަށް ވެސް އޭނާ ބުނިއެވެ.

ބިންތައް ތިބޭ އަންހެނުންވެރިންނާއި އެގްރިކަލްޗަރގެ ވިޔަފާރީގައި އުޅޭ އަންހެނުންގެ ނިސްބަތް މަދު، ހަތަރު އިންސައްތައަށް ވުރެން މައްޗަކަށް ޕަސަންޓޭޖް ނާރާ، އަންހެނުންވެރިން މަދުވަނީ އެއީ އެމީހުންގެ އަމިއްލަ ބިންތައް ނެތުމުން، އަންހެނުންނަށް ބިންތައް ކުއްޔަކަށް ދުލެއް ނުކުރޭ
ސޮއޫދު މަހްމޫދު

ޝާނީއާ އޭނާގެ ރައްޓެހިން އުންމީދު ކުރަނީ އެމީހުން އިސްނަގައިގެން ކުރަން ފެށި މި މަސައްކަތުގެ ސަބަބުން އަންހެނުން މި ދާއިރާއަށް ނުކުމެ، އެމީހުންނަށް ބިންތަކުގެ ވެސް މިލްކުވެރިކަން ލިބި، މިފަދަ ޕްރޮޖެކްޓްތައް ފެށުމަށް ފުރުސަތު ހުޅުވިގެންދިޔުން ކަމަށެވެ.

އެއްވަގުތެއް ދިޔަ އަހަރެން އަމިއްލަ ނަފްސާ ސުވާލުކުރި ވަގުތެއް ވެސް، އަހަރެން ގޮތަށް އަމިއްލަ ފައި މައްޗަށް ތެދުވާން ބޭނުންވާ އަންހެނުންނަށް އަހަންނަށް އެހީނުވޭންވީ ކީއްވެތޯ ސުވާލު އުފެދުނު. އަހަރެންގެ ރައްޓެހިންނާއި އަހަރެން ކުންފުންޏަކާއި މަޝްވަރާކޮށް، އަންހެނުންނަށް އެހީވާން ނިންމިން
މަރިޔަމް ޝާނީ

ޝާނީގެ އެކުވެރިޔެއް ކަމަށްވާ ފައިޒާ ހަމްދައޯއީ ބުނީ މިތަން އުފެއްދުމުގެ އެންމެ ބޮޑު މަޤްސަދަކީ އަންހެނުންނަށް އެހީތެރިވުމަށް ކަމަށެވެ.

ކަންތައްތައް ތަކުގައި ގޮތް ނިންމުމަށް ހިތްވަރުދީ، އެގްރިކަލްޗަރަލް ޕްރޮޖެކްޓެއް ފެށުމަށް ވެސް ހިތްވަރުދީ ކާމިޔާބީއާ ހިސާބަށް ވާސިލްވުމަށް އެހީވުމަށް ކަމަށެވެ. އަދި ކޮންމެހެން އަންހެނަކަށްވީތީ ގޭގައި ހަމައެކަނި ހުންނަން ނުޖެހޭ ކަމަށާއި ވިޔަފާރީގެ ދާއިރާގައި ވެސް އަންހެނުންނަށް ކުރިއަރާ ދެވޭނެ
މަރިޔަމް ޝާނީ

ޝާނީ ބުނީ މި މަސައްކަތް ފެށިއިރު އަންހެނަކަށްވީތީވެ، ވަރަށް ގިނަ ގޮންޖެހުންތަކާއި ކުރިމަތިވި ކަމަށެވެ.

މި މަސައްކަތް ފެށިއިރު އެންމެ ބޮޑު ގޮންޖެހުމެއް ދިމާވީ ފައިނޭންސް ހޯދުމަށް، އަހަންނަކީ އަންހެން ފާމަރަކަށްވުމުން، އަހަރެންގެ އަމިއްލަ ބިމެއް އޭރު ނެތް، އެހެންކަމުން ފައިސާގެ ކަންތައްތައް ހަމަޖައްސަންވީ ދަތިތަކަމަށް، އެހެންވެ އަހަރެން ބާރޯސާވީ އަމިއްލަ ނަފްސަށް، ދެން އުނދަގޫކަމަށް ދިމާވީ މި ދާއިރާގައި އުޅޭ ފިރިހެނުންނާއި ކުރިމަތިލާން. އެމީހުން އަހަރެން އެހާ ސީރިއަސްކޮށް ނުނަގާ، ބައެއް މީހުން ހީވެސް ހެދި، އަންހެނަކަށްވުމުން މި މަސައްކަތުގައި އުޅެވޭނީ ކިހިނެއްހޭ ވެސް އެހި، މިއަދު އެމީހުން އަހަރެންނަށް ގުޅާ ކަންކަމުގައި ޚިޔާލު ހޯދާ، މިއީ އަހަރެން ފަހުރުވެރިވާ އެއްކަންތައް
މަރިޔަމް ޝާނީ
އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: މަރްޔަމް ދާނިޝް ނަޝީދު
0%
0%
0%
50%
50%
0%
ކޮމެންޓް