"ބީ ފާމެއް ހުޅުވީ ގިނަ އުންމީދުތަކާއެކު"
މި ދާއިރާގައި އުޅޭ ފިރިހެނުން އަހަރެން އެހާ ސީރިއަސްކޮށް ނުނަގާ، ބައެއް މީހުން ހީވެސް ހެދި
ބީ ފާމުގައި ޝާނީ މަސައްކަތް ކުރަނީ
މަރިޔަމް ޝާނީ ތެލުގެ ދާއިރާގައި އަދާކުރީ ވަޒީފާ ދޫކޮށްލީ ބީ ފާމެއް ހުޅުވާ އަންހެނުންނަށް ވެސް މިފަދަ މަސައްކަތެއް ކުރެވިދާނެކަން އަންގައިދިނުމަށެވެ.
ޓިއުނީޝިއާގެ ސިޓީއެއް ކަމަށްވާ މަނޫބާ ގައި މިފާމް ހުޅުވާފައިވަނީ 2016 ވަނަ އަހަރުއެވެ.
ޝާނީ މިތަން ހުޅުވީ މިދާއިރާގެ މަސައްކަތްތައް ދަސްކުރަން ބޭނުންވާ އަންހެނުންނަށާއި އަންހެނުންނަށް ރައްކާތެރި މާހައުލެއްގައި މަސައްކަތް ކުރުމަށް މަގުފަހި ކޮށްދިނުމަށެވެ. އަދި މި ދާއިރާއިން ކުރިޔަށް ދިޔުމުގެ ވެސް އަޒުމުގައެވެ.
ޓިއުނީޝިއާގެ އެގްރިކަލްޗަރަލް އިންޖީނިއަރެއް ކަމުގައިވާ ސޮއޫދު މަހްމޫދު ބުނީ އެ ޤައުމުގައި މި ދާއިރާގައި ހަރަކާތްތެރިވަނީ ހަމައެކަނި އެންމެ ހަތަރު އިންސައްތަ އަންހެނުން ކަމަށެވެ. އެގްރިކަލްޗަރަލް ޕްރޮޖެކްޓުތަކުގައި މަސައްކަތް ކުރާ އަންހެނުން މަދުވަނީ އެމީހުންގެ އަމިއްލަ ބިންތައް ނެތުމުގެ ސަބަބުން ކަމަށް ވެސް އޭނާ ބުނިއެވެ.
ޝާނީއާ އޭނާގެ ރައްޓެހިން އުންމީދު ކުރަނީ އެމީހުން އިސްނަގައިގެން ކުރަން ފެށި މި މަސައްކަތުގެ ސަބަބުން އަންހެނުން މި ދާއިރާއަށް ނުކުމެ، އެމީހުންނަށް ބިންތަކުގެ ވެސް މިލްކުވެރިކަން ލިބި، މިފަދަ ޕްރޮޖެކްޓްތައް ފެށުމަށް ފުރުސަތު ހުޅުވިގެންދިޔުން ކަމަށެވެ.
ޝާނީގެ އެކުވެރިޔެއް ކަމަށްވާ ފައިޒާ ހަމްދައޯއީ ބުނީ މިތަން އުފެއްދުމުގެ އެންމެ ބޮޑު މަޤްސަދަކީ އަންހެނުންނަށް އެހީތެރިވުމަށް ކަމަށެވެ.
ޝާނީ ބުނީ މި މަސައްކަތް ފެށިއިރު އަންހެނަކަށްވީތީވެ، ވަރަށް ގިނަ ގޮންޖެހުންތަކާއި ކުރިމަތިވި ކަމަށެވެ.
